Ахмет Байтұрсынұлының 150 – жылдығына арналған «Dala Fest» шығармашылық марафоны аясындағы концерттік бағдарламасын Бейімбет Майлин және Қамысты аудандарының көркемөнерпаздар ұжымдары Орталық саябақта жалғастырды.
Кешеден толассыз жауған жауынға қарамастан көрермендер орталыққа келіп, әуенге қосыла биледі. Сол бір сәтте күннің райы ашылып, қолайсыздық тудырмады.
Қос аудан өнерпаздары бір сағат көлемінде концерт берді. Биші қыздар сол маңайды гүлдендіріп жіберді десе де болады.
Шығармашылық марафонының эстафетасы Рудный қаласына тапсырылды.
Қос ауданның мәдениет бөлімінің, Мәдениет үйінің басшылары мен қызметкерлеріне, барша өнерпаздарға алғысымыз шексіз.
Ахмет Байтұрсынұлының 150 жылдығына арналған «DALA FEST» шығармашылық марафоны осылайша әр жұмада жалғасын тауып келеді.
Естеріңізге сала кетсек, аталмыш марафонның негізгі мақсаты – Қостанай облысының шығармашылық ұжымдары мен әртістерінің халық шығармашылығын насихаттау және дамыту.
Іс-шараны ұйымдастырушылар:
- «Қостанай облысының әкімдігі» ММ;
- «Қостанай облысы әкімдігінің мәдениет басқармасы» ММ.
Іс-шараға қатысушылар:
Қостанай облысының шығармашылық ұжымдары мен әртістері.
Олар жаз бойы әр жұмада өнер көрсетіп келеді.
