Елордамыз – Астана қаласының 20 жылдығы аясында «Burabay Summer Fest» Халықаралық балалар мен жасөспірімдердің телевизиялық фестивалі жөніндегі хабарлама

«Burabay Summer Fest» Халықаралық балалар мен жасөспірімдердің телевизиялық фестивалі жөніндегі хабарлама

2018 жылғы 11мамыр күні «Қостанай облысы әкімдігінің мәдениет басқармасы» ММ, «Қостанай облысының білім басқармасы»ММ Е.Өмірзақов атындағы облыстық филармонияда Елордамыз – Астана қаласының 20 жылдығы аясында «Burabay Summer Fest» Халықаралық балалар мен жасөспірімдер телевизиялық фестивалін өткізді.

Фестивальдің басты мақсаты – дарынды балалар мен талантты жастарды анықтау және оларды жан-жақты қолдау, шығармашылық қабілеттілігін дамыту, орындаушылық шеберлік деңгейін арттыру, халықаралық мәдени байланыстарды дамыту және нығайту, рухани және мәдени құндылықтармен алмасу, отансүйгіштікке тәрбиелеу, еліміздің ұлттық өнері мен тарихына деген қызығушылықты арттыру, жалпыадамгершілік құндылықтарды қалыптастыру. Аймағымыздың әр өңірінен 19 өтінім келіп түсті. Үміткерлер хореография, вокал, көркемсөз оқу, дәстүрлі ән, эстрадалақ ән, классикалық музыкалық аспаптарда орындау өнері, ұлттық музыкалық аспаптарда орындау өнер жанрлары бойынша сынға түсті. «Эстрадалық ән» номинациясында Ибраева Ясмин (Қостанай ауданы), «Ұлттық музыкалық аспаптарда орындау өнері» номинациясында Қалайбайқызы Перизат (Жангелдин ауданы),«Классикалық музыкалық аспаптарда орындау өнері» номинациясында Кормилин Данил (Қостанай ауданы),«Дәстүрлі өнер» номинациясында «Нұр әуен» домбырашылар тобы (Қостанай қаласы), «Көркемдік оқу» номинациясында Нұрмұратова Аружан (Рудный қаласы), «Хореографиялық өнер» номинациясында «Сезім» бишілер тобы (Қамысты ауданы) жеңімпаз атанды. «BURABAY SUMMER FEST» телевизиялық фестивалінің облыстық іріктеу кезеңінен өткен жеңімпаз атанғандар 15 маусымнан бастап Бурабай қаласында өтетін үлкен додада бақ сынайды.