Ресейдің Тюмень қаласында өткен "Сібір бұлақтары" халықаралық байқауында "Көркем сөз" номинациясы бойынша Бейімбет Майлин ауданының халық театры екінші дәрежелі лауреат атанды. Ұжым тек Қостанай облысының ғана емес, Қазақстан Республикасының да намысын қорғаған жалғыз ұжым болды.
Байқау биыл 11-ші рет өтті. Карантиндік шектеулерге байланысты іс-шара онлайн форматта ұйымдастырылды. Байқауға Ресейден, Белоруссия 16 аймағынан әуесқой және кәсіпқой қатысушылар бейне жұмыстарын жіберді.
Бейімбет Майлин ауданының халық театры 1947 жылдан бері өзінің қойылымдарымен тек жергілікті тұрғындарды қуантып келеді.
- Осындай шығармашылық сайысқа қатысу біз үшін алғашқы тәжірибе болды. - дейді театр режиссері Нина Луценко. - Байқауға Владимир Сологубтың "Беда от нежного сердца" қойылымын жібердік. Бір кездері біз мұны тек аудан орталығының тұрғындарына ғана емес, сонымен қатар жақын орналасқан ауылдар мен облыс орталығына да көрсеткен едік.
Режиссердің айтуынша, қойылымды әртүрлі жастағы көркемөнерпаздар ойнаған.
Қазіргі уақытта, конкурстарға қатысу мүмкін болмаған кезде, интернет желісінің арқасында қашықтан өткізілетін байқаулар кең таралды және қарқынды дамыды. Өте ыңғайлы дүниеге айналды, оларға бармай-ақ қатысудың мүмкіндігі ашылды.
Нина Луценко айтқандай, осындай сайыстардың арқасында өнерпаздар өз шеберліктерін көрсетіп қана қоймай, деңгейін басқалармен салыстыруға жол ашады. Бұл да шығармашылық әлеуетті дамытудың кезекті сатысы, табысқа жетудің кілті.
"Сібір бұлақтары" байқауы Ресейде өте танымал байқау. Халықтық мәдениетті сақтау және дамыту, талантты орындаушылар мен ерекше шығармашылық топтарды анықтау, халықтық мәдениетті қолдау және насихаттау мақсатында өткізіледі. Жыл сайын оған әр түрлі жанрдағы кәсіпқойлар мен әуесқойлар қатысады.
Ұйымдастырушылардың айтуынша, "Сібір бұлақтары" Ямалдан Қазақстанға, Алтайдан Белоруссияға дейінгі аймақтарды қамтиды.
