Қазанның 16-17 жұлдызы аралығында "Арқада Наушабайдың Нұржаны өткен..." атты І республикалық дәстүрлі ән байқауының өтетіні жайлы айтқан едік.
Айтулы өнер додасына облысымыздың да әр бөлігінен мықтылар келіп, бап пенен бақтарын сынайды.
Сөз жоқ, әр қатысушының шамасы әр қалай. Алайда, қай-қайсысы болсын қамсыз емес. Мәселен, ҚР Мәдениет саласының үздігі Манапбек Кәдіров астықты атырабымыздың намысын қорғайтын үміткерлерге тәлім сағаттарын өткізді.
-Дәстүрлі ән дайындықты қажет етеді,-дейді қатысушы, "Алтын дән" мәдениет үйінің солисі Жанат Мінайдар.- Бұл байқаудағы әр қатысушының алдында дара миссия тұр- Нұржан ата Наушабаевтың мақамын, әншілік шеберлігін жаңғырту, өлтіріп алмай келешек күнге жеткізу. Ал Манапбек ағамыздың берген дәрісі Наушабайұлының дара стилін барынша ұғындырды. Сәйкесінше, байқауда аянып қалмауға барымызды саламыз.
Байқауда Нұржан Наушабаевтың бір туындысын орындау-қатысушыларға қойылған міндет.
