Қостанай ауданының үздік шығармашылық ұжымдары мен жекелеген орындаушыларының орындауындағы жарқын концерттік бағдарлама ерекше болды. «Тобыл сазы» қазақ халық аспаптар оркестрі Құрманғазының «Сары көл Самар» күйін төкті, Жаркынбек Дерипсалдин Ә.Еспаевтің «Маржан-ай» әнін әуелетті. Жанат Мнайдар Қ.Күрімжанұлының термесі «Той бастарды» шырқады. «Надежда» халық би ансамблі «Жезкиік» биін мың бұрала тарту етті. «Бойтұмар» жетігеншілер ансамблі Ж.Сейфуллиннің «Хафиз» шығармасын орындап шықты. Ал әуе гимнасттарының, «Арена чудес» цирк ұжымының бамбук таяқшаларында, баспалдақта ерекше өнер көрсеткені тіптен тамаша болды.