2024 жылдың 23-24 мамырында Қызылорда облысында ҚР еңбек сіңірген қайраткері, "Құрмет" орденінің иегері, Қазақстан композиторлар одағының мүшесі Рамазан Таймановтың 70 жас мерейтойына арналған І республикалық "СЫР АНА" әншілер конкурсы өтті
Қостанай облысы, Қостанай ауданы "Алтын дән" мәдениет үйіндегі "Шабыт" квартеті осы байқауда бақ сынап, республикамыздың түкпір-түкпірінен жиналған 17 қатысушының ішінен жүлделі ІІІ орынға ие болды. Бас жүлдені Қызылорда облысының өнерпазы Айсұлу Әбді қанжығалады. Байқауға Алматы, Маңғыстау, Орал, Ақтөбе, Қызылорда, Байқоңыр және т.б. облыс, қалаларынан өнерпаздар қатысты. Республикалық байқауға "Шабыт" тобы бірінші рет қатысып отыр.
Қазылар алқасының құрамында ҚР еңбек сіңірген қайраткері, Қазақстан композиторлар одағының төрағасы Серік Әбдінұров, Эстрада жұлдызы, ҚР еңбек сіңірген қайраткері Жеңіс Ысқақова, продюсер, Мәдениет қайраткері Сарсен Ибрашева, композитор, Мәдениет саласының үздігі Сәбит Ұлықпанұлы және мерейтой иесі Тайманов Рамазан қазылық етті.
