Бүгінқаламызда өтіп жатқан ҚР Еңбек сіңірген мәдениет қызметкері, Қазақстан композиторлар Одағының мүшесі, әнші-композитор Қалибек Деріпсалдиннің 70 жылдық мерейтойына арналған республикалық «Көктем-қыздар» атты әншілер байқауының екінші кезеңі өтіп, жеңімпаздардың есімдері белгілі болды. Аталмыш өнер додасына Қостанай облысымен қатар, Жетісу, Жамбыл, Ақтау, Ақтөбе, Астана, Ақмола өңірлерінен 12 үміткер қатысқан еді.
Байқаудың мақсаты - қазақтың ән өнерін насихаттау. Ән әлеміндегі жаңа есімдерді халыққа таныстыру.
Қалибек Деріпсалдиннің есімі республика жұртшылығына әуезді әндерімен танымал. Сазгердің бүгінде жүзге жуық туындысы ән әлемінде өз тыңдаушысын тапқан, ел аузында.
Байқаудың І кезеңінде қатысушылар қазақ ұлт аспаптар оркестрінің сүйемелдеуімен 2 ән орындаса, 1 ән міндетті түрде Қалибек Деріпсалдиннің, екінші ән өз қалауы бойынша жергілікті композиторлардың шығармаларынан болды. Ал ІІ кезеңде эстрада жанрындағы Қалибек Деріпсалдиннің 1 әні орындап шықты.
Бас жүлде – Әкімжан Шәкіров, Ақтөбе қаласы. (500 мың теңге);
1 орын – Тасқын, Фариза ағайынды Жоламановтар, Федоров ауданы. (300 мың теңге);
2 орын – Ақниет Сейфуллақызы, Ақтау қаласы. (200 мың теңге);
3 орын – Тілекбай Нағымбаев, Жетісу облысы, Талдықорған қаласы және Мәулен Қадыров, Қостанай қаласы. (150 мың теңге);
Қазылар алқасының құрамы:
1. Қалибек Деріпсалдин - ҚазССР-нің Еңбек сіңірген мәдениет қызметкері, Қазақстан Композиторлар Одағаның мүшесі, әнші-композитор, Қостанай қаласының және Амангелді ауданының құрметті азаматы, қазылар алқасының мүшесі;
2. Ермұрат Үсенов – ҚР Еңбек сіңірген мәдениет қызметкері, Қазақстан Композиторлар Одағаның мүшесі, композитор, қазылар алқасының мүшесі;
3. Серікжан Әбдінұров -ҚР Мәдениет қайраткері, композитор, профессор, қазылар алқасының мүшесі;
4. Жанатбек Кадиров – Мәдениет саласының үздігі, әнші, қазылар алқасының мүшесі.
Іс-шараны ұйымдастырушы:
- «Қостанай облысы әкімдігінің мәдениет басқармасы» ММ;
- «Облыстық көркемөнерпаздардың халық шығармашылығы мен кинобейнеқор орталығы» КМҚК.
