ҚАЗАН, 2017. Сағын Жалмышев атындағы І Республикалық домбырашылар конкурсының хабарламасы

Сағын Жалмышев атындағы І Республикалық домбырашылар конкурсының хабарламасы

Фото: И Мармалиди

         2017 жылғы 1 -3 қараша күндері Қостанай қаласында № 1 Балалар музыкалық мектебінде тұңғыш рет Сағын Жалмышев атындағы Республикалық домбырашылар конкурсы болып өтті.
         Екі күн бойы Қазақстанның өңірлерінен келген 23 домбырашылар өз өнерлерін көрсетті. Тұңғыш рет өткізілгелі отырған Сағын Жалмышев атындағы Республикалық домбырашылар конкурсына Астана, Алматы, Ақтөбе, Атырау, Қарағанды, Қызылорда, Маңғыстау, Петропавл, Шымкент және Қостанай қалаларынан өнерпаздар ат салысты.
        Өнерпаздардың өнеріне елімізге белгілі майталман өнер қайраткерлері қазылық етті:

Үлкенбаева Айгүл Нариманқызы – күйші – домбырашы, Республикалық және Халықаралық конкурстардың бірнеше дүркін лауреаты, «Дарын» мемлекеттік жастар сыйлығының лауреаты Қазақстан Республикасының еңбек сіңірген әртісі, Құрманғазы атындағы Қазақ ұлттық консерваториясының профессоры, Қазылар алқасының төрайымы. (Алматы қаласы)

Қазылар алқасының мүшелері:

Шәкірат Сержан Ысқақұлы - Қазақстан Республикасының еңбек сіңірген қызметкері, төкпе күйлердің шебер орындаушысы, Маңғыстау күй дәстүрінің көрнекті өкілі, Құрманғазы атындағы Қазақ ұлттық консерваториясының құрметті профессоры, «Құрмет» орденінің иегері, Ақтау қаласының және Маңғыстау облысының Құрметті азаматы (Ақтау қаласы)

Сақтанов Ерлан Табидоллаұлы – «ҚР Білім беру ісінің Құрметті қызметкері», Дина Нұрпейісова атындағы Ұлттық академияның және Атырау қаласындағы музыкалық колледжінің оқытушысы (Атырау қаласы)

Әбсадықов Әлімжан Нағызханұлы - Дәулеткерей, Тәттімбет, Махамбет атындағы республикалық байқаулардың лауреаты, Қазанғап атындағы Қызылорда музыка колледжінің бөлім меңгерушісі (Қызылорда қаласы)

Молдахметов Назымбек Молдабекұлы – Қазақстан Республикасының еңбек сіңірген қайраткері, Қостанай облысының Е. Өмірзақов атындағы қазақ ұлт аспаптар оркестрінің көркемдік жетекшісі және бас дирижері (Қостанай қаласы).

       Қазылар алқасының шешімі бойынша жеңімпаз атанған күйші домбырашыларға төмендегідей жүлделі орындар мен Лауреат атағы берілді.

Номинация:	Қатысушылардың аты-жөні	Облысы
Гран-При	Рысбеков Данияр	Арқалық
І место	Жәмиев Жәнібек	Атырау
ІІ место	Әділбеков Ерасыл	Алматы
ІІ место	Жұмабаев Жәнібек	Алматы
ІІ место	Шынаров Азамат	Алматы
ІІІ место	Елеусіз Ардақ Тимурұлы	Ақтөбе
ІІІ место	Есжанов Ыбырай	Қостанай
ІІІ место	Жетібаев Алмас	Маңғыстау
ІІІ место	Қойысова Мөлдір	Алматы

Сағын Жалмысов атындағы республикалық домбырашылар байқауының дипломанттары:

Қатысушылардың аты-жөні	Облысы
Құдайбергенов Дарын	Астана
Хасенов Жалғас	Павлодар
Өтебай Темір	Ақтөбе
Уәлиев Мадияр	Қарағанды
Әшімхан Нұрғали	Қызылорда