ҮЗДІКТЕР АНЫҚТАЛДЫ

Қостанай Жастар сарайының
конференц залында «Күмбірле, қоңыр домбыра!» ұлттық домбыра күніне арналған облыстық күйшілер байқауы өтті.

Байқауға ұлттық өнерді ұлықтап, аудан, қалалардан барлығы 9 өнерпаз келді. Байқау шарты әр қатысушы үш шығарма орындауы тиісті. Соның ішіндегі биылғы жаңашылдық — Тобыл-Торғай өңірі композиторларының бір күйін орындау.

Байқауға қатысып, өнер көрсеткені үшін арнайы дипломмен және ақшалай сыйлықпен марапатталды.

1 орын — Бекзат Байсалбаев, Рудный қаласы.(100 мың теңге ақшалай сыйлық.)

2 орын — Ділназ Махамбетова, Рудный қаласы.(80 мың теңге ақшалай сыйлық.)

3 орын — Молдабек Абылайхан, Рудный қаласы.(60 мың теңге ақшалай сыйлық.)

Меңдіқаралық Мұқажар Ораз Тобыл-торғай сазгерлерінің күйлерін шебер орындап, Ахмет Байтұрсынұлы атындағы арнайы сыйлықтың жүлдегері атанды.

Науырзым ауданынан келген Аңсаған Нұрғалиев шертпе күйдің шебері атанып, Тәттімбет Қазанғапұлы атындағы арнайы жүлдеге ие болды.

Батырбек Байназаров жүлдеге ілікпеген өнерпаздарды Қостанай облысы Күйшілер одағының Алғыс хатымен марапаттады.

Барша жеңімпаздар мен қатысушы өнерпаздарға, осындай тамаша шараны ұйымдастыруға мұрындық болған қызметкерлерге айтар алғысымыз зор.

Шараны ұйымдастырушы облыстық көркемөнерпаздардың халық шығармашылығы мен кинобейнеқор орталығы.