Жітіқара қаласының 80 жылдығына арналған жыр додасы

Жітіқара қаласының 80 жылдығына арналған жыр додасы

Қостанай облысының Жітіқара ауданында «Болашаққа бағдар: рухани жаңғыру» бағдарламасы аясында Жітіқара қаласының 80 жылдығына арналған облыстық ақындар айтысы болып өтті.

Өзара сөз бен ой, өлең мен өре салыстырған аламан сайыстың мақсаты − айтыс өнерінің дамуына қолдау көрсету, еліміздің тәуелсіздік жылдарында қол жеткізген табыстары мен құндылықтарын, өңірде жүзеге асырылып жатқан жасампаз жобаларды дәріптеу, сондай-ақ Қостанай облысы ақындарының шығармашылық әлеуетін насихаттау.

Дүбірлі айтыстың ашылу салтанатында Қостанай облысы әкімдігі мәдениет басқармасының басшысы Қалмақов Ерлан Болатұлы құттықтау сөз сөйлеп, мәдени шараның маңыздылығына тоқтала келіп, айтыс ұйымдастырушылары мен ақындарға ризашылығын білдірді.

Жітіқара ауданы әкімдігінің қолдауымен жыл сайын дәстүрлі түрде өтетін жыр бәйгесіне Тоба Өтепбаев, Марғұлан Оспанов, Салтанат Өтелбаева, Ғалымкерей Кенжеғозин, Медет Байзақов, Мамай Ізтілеу, Әсем Қажиева, Батырлан Сағынтаев сынды ақындар қатысып, жітіқаралық көрерменге әсерлі айтыс сыйлады.

Айтыс қорытындысында бас жүлдені Рудный қаласының ақыны Ғалымкерей КЕНЖЕҒОЗИН,
І - орынды Әулиекөл ауданының ақыны Әсем ҚАЖИЕВА,
ІІ - орынды Қостанай қаласынан келген ақын Салтанат ӨТЕЛБАЕВА,
ІІІ - орын Жітіқара ауданының намысын қорғаған ақын Марғұлан ОСПАНОВ иеленді.

Айтыс жеңімпаздары мен қатысушыларға ақшалай сыйақы табысталды.