Әсия Беркенованың 75 жас мерейтойына арналған «Айдын жырдың аққуы» атты республикалық ақындар айтысы тартысты да тағылымды өтті
Айтыс қорытындысы бойынша қазылар алқасы үздік өнер көрсеткен ақындарды анықтап, төмендегі жүлделерді тапсырды:
Бас жүлде – Әсем Ережеқызы (Абай облысы) - 3 миллион теңге.
І орын – Нұрбол Жауынбаев (Ақтөбе облысы) - 2 миллион теңге.
ІІ орын – Мұхтар Ниязов (Қызылорда облысы) және Жансая Мусина (Батыс Қазақстан облысы) - әрқайсысына 1,5 миллион теңге.
ІІІ орын – Нұрлан Есенқұлов (Шымкент қаласы) және Мейірбек Сұлтанхан (Қызылорда облысы) - әрқайсысына 1 миллион теңге.
Айтысқа қатысқан өзге ақындар да ынталандыру мақсатында 500 мың ақшалай сыйлықпен марапатталды.
Жыр бәйгесі ақындардың шеберлігін танытып, қазақ айтысының мерейін тағы бір асырған рухани үлкен мереке болды.
Облыс әкімі Құмар Ақсақалов айтыс өнерінің қос дарабозына ерекше ілтипат танытып, меценаттар тарту еткен су жаңа автокөліктердің кілтін салтанатты түрде табыс етті. Кештің құрметті иесі, халық ақыны Әсия Беркеноваға — KIA Sportage, ал «Алтын домбыра» иегері, айтыстың ақтаңгері Айбек Қалиевке — KIA Cerato көлігін мінгізді.
Аймақ басшысы қос өнерпаздың айтыс өнерін дамытуға сіңірген зор еңбегін ерекше атап өтіп, ел руханиятына қосқан өлшеусіз үлестері үшін алғыс білдірді.
