Айтыс-қазақтың ауызекі әдеби-музыкалық өнерінің көлемді және аса құнды салаларының бірі.

 

Айтысқа әр ротадан 3 үміткер шықты. Әділ-қазылар алқасы болып Қостанай қаласының танымал ақындары Оспанов Марғұлан Бақытбекұлы, Байзақов Медет Дәндібекұлы және «Тілдарын» тілдерді оқыту орталығының оқытушысы Ахметжанова Базаргүл Талғатқызы төрағалық етті. 

 

Айтысты өз деңгейінде, үлкен сахнада дәріптеп жүрген облысымзға танымал жас ақындар Нұрсұлтан Қасым, шәкірттері Данияр Нигматов, Жалғасбек Әлимауладин қонақ болып, сарбаздар жұп бола отырып айтыстың көркін келтірді. 

 

Орындар келесі тәртіппен бөлінді: 3 орынға материалдық және техникалық қамтамасыз ету ротасының сарбазы (атқыш) қатардағы жауынгер Төлебаев Нұрдәулет, 2 орынға 2 жеке атқыштар ротасының сабазы (атқыш) қатардағы жауынгер Есентайұлы Айбар және 1 орынға Қапасов Жалғас ие болды. Айтыс өте тартысты, қызықты өтіп, әсем әндер орындалды. Бас жүлдеге ие болған Қапасов Жалғас сәуір айында Қарағандыда өтетін «Орталық» өңірлік қолбасшылықта өтетін 2 кезеңде әскери бөлімнің намысын қорғайды.