Жітіқара ауданында Ақсұлу Орысбайқызының 150 жылдығына арналған «Айтыстың Ақсұлуы...» атты облыстық ақындар айтысы бастау алды.
Ақсұлу ақын артына көп мұра қалдырған. Соның ішінде хатқа түскен өлеңдері бір төбе болса, айтыс өлеңдері бір төбе. 1873 жылы Жітіқара ауданына қарасты қазақ ауылында туған ақын қыз жастайынан зерек, өнер мен білімге бейім болып өскен. Араб жазуымен ерте хат таныған, көзі ашық ақын қыздың жан-жақты жетілуіне оның ұстазы Ақмолланың да көп әсері болған. Қазақ, башқұрт, татар халықтарының ортақ ақыны атанған.
Осынау талантты жерлесіміздің мерейтойы туған жерінде өтіп, өнер бәйгесімен өрнектелуде.
Додаға көрші Ресей елі, Магнитогорск қаласынан Ақсұлу Орысбайқызының тікелей туыстары келіп, арнайы қатысуда.
Жыр додасына үкілі домбыраларын алып, алқалы топтың алдында өнер бәйгесінде көсіле шабуға облыс көлемінен 12 ақын келіп отыр.
1.Тоба Өтепбаев – Алтынсарин ауданы;
2. Батырлан Сағынтаев – Арқалық қаласы;
3. Салтанат Өтелбаева – Қостанай ауданы;
4. Әсет Ақылжанов – Қамысты ауданы;
5. Мамай Ізтілеу – Бейімбет Майлин ауданы;
6. Серікболсын Абықан – Алтынсарин ауданы
7. Алмат Елшібаев – Жітіқара ауданы;
8. Айбар Рағатов – Арқалық қаласы;
9. Ғалымгерей Кенжеғозин – Рудный қаласы;
10. Ернұр Әуезхан – Арқалық қаласы;
11. Марғұлан Оспанов – Қостанай қаласы;
12. Балтасар Тұрысбекұлы – Амангелді ауданы;
Ақындардың жұбын анықтау үшін, халықтың алдында жеребе тарту рәсімі өтіп, алғашқы жұп болып сахнаға Айбар Рағатовпен Алмат Елшібаеа шықты.
Бәйгеге келген сайыскерлеріміздің өнеріне баға беретін қазылар алқасының құрамында:
Әсия Беркенова – халық ақыны, бүгінгі бәйгенің қазылар алқасының төрайымы.
Ақылбек Шаяхмет – ҚР мәдениет қайраткері, филология ғылымдарының кандидаты, ақын.
Серік Қалиев – ақындар мектебінің мүшесі, Жітіқара қаласы.
Айтысты ұйымдастырушы Жітіқара ауданы әкімшілігі мен Қостанай облыстық мәдениет басқармасы.
