Айтыстың ерекшелігі ақындардың өзгелермен емес, өз үйіндегі бауыры, аға-іні, нағашы-жиен, жеңге мен қайны болып әдемі айтыс жасап, қоғамдағы жанұялық жағдайды, отбасылық құндылықтарды, айтар ойды екеулеп бір арнаға тоғыстырып, қалың көпшілікке дәріптеу.


 

Жыр-додасына түскен ақындар: 

1. Ғалымгерей Кенжеғозин, Зілиха Кенжеғозина 

(ағасы мен қарындасы)

республикалық, облыстық айтыстарда өнер көрсетіп жүлделі орындардан көрініп жүрген ақындар. Аға мен қарындас болып әдемі айтыс жасады. 

 

2. Тоба Өтепбаев, 

Батырлан Сағынтаев 

Жақында Торғай төрінде өткен Ахмет Байтұрсынұлының 150 жылдығына арналған республикалық ақындар айтысында ерекше өнер көрсетіп, көрермен көзайымы болған ақындар. Бүгін нағашы мен жиен болып шықты. 

 

3. Айбар, Нұрислам Рағатовтар (аға мен іні). 

Облысымызда үздік шығып жүрген талантты ақындар, бала күнінен, жастайынан жүлдегер атанып, елден бата алып жүрген ағайынды ақындар. Бүгін Аға мен іні болып айтыс аламанында бақ сынады. 

 

4. Серік Алпысов, 

Жібек Шахмарданқызы

 (қайын іні мен жеңге). 

  Сырдың елінен, Торғайдың еліне келін атанған, Тобаның аяулы жары Жібек бірнеше республикалық айтыстардың жүлдегері. Серік Алпысов ән әлемінде өзіндік өрнек құрып жүр, ақындық өнері де ерекше. Бірнеше шоу-айтыстардың қатысушысы. 

 

 5. Ернұр, Саят Әуезхановтар,

 (аға мен іні). 

Облысымызда жыл сайын өтетін «Жас тұлпар» оқушылар айтысынан бастау алып, қазіргі күні үлкен сахнада өнер көрсетіп, бүгін аға мен іні болып сайысқа түсті. 

«Құрмет» орденінің иегері, Арқалық қаласының құрметті азаматы. «Айтыстың ақтаңгері», Қазылар алқасының төрағасы - АЙБЕК ҚАЛИЕВ.