2021 жылдың 15-16 сәуір күндері Ыбырай Алтынсариннің 180 жылдығына арналған «Жас тұлпар» облыстық оқушылар айтысы өтеді
2021 жылдың 16 сәуірінде сағат 10.00-де Қостанай ауданы, Тобыл қаласының «Алтын дән» мәдениет үйінде «Рухани жаңғыру» мемлекеттік бағдарламасын жүзеге асыру аясында ҚР Тәуелсіздігінің 30 жылдығы қарсаңында қазақтың аса көрнекті ағартушы-педагогы, жазушы, этнограф, қоғам қайраткері Ыбырай Алтынсариннің 180 жылдығына арналған «Жас тұлпар» облыстық оқушылар айтысы өтеді.
«Жас тұлпар» облыстық оқушылар айтысына аудандық және қалалық кезеңдердің жеңімпаздары қатысады. Бүгінгі таңда Амангелді, Арқалық, Бейімбет Майлин, Жангелдин, Жітіқара, Қарабалық аудандары мен Рудный қаласы, Ы.Алтынсарин атындағы мамандандырылған мектеп-интернатынан өтінімдер түсті.
Сонымен қатар «Жас тұлпар» облыстық оқушылар айтысының қатысушылары үшін 15 сәуір сағат 15.00-де «Тобыл-Торғай ақындары» тақырыбында шеберлік сағаты өтеді. Шеберлік сағатын «Құрмет» орденінің иегері, ҚР Мәдениет саласының үздігі, айтыс ақтаңгері Айбек Киікбайұлы Қалиев жүргізеді.
