Тұңғыш рет өткізілетін Сағын Жалмышев атындағы Республикалық домбырашылар конкурсының баспасөз хабарламасы

Тұңғыш рет өткізілетін Сағын Жалмышев атындағы Республикалық домбырашылар конкурсының баспасөз хабарламасы

Оқиға: Сағын Жалмышев атындағы Бірінші Республикалық домбырашылар байқауы.
Өткізу күні және уақыты: 2017 жылғы 1-3 қараша күндері, сағат 10.00-ден 18.00-ге дейін.
Өткізу орны: «№ 1 Балалар музыкалық мектебі» КМҚК (Қостанай қаласы, Пушкин к-сі, 64 үй).

2017 жылғы 1-3 қараша күндері Қостанай қаласында «Қостанай облысы әкімдігінің мәдениет басқармасы» ММ қолдауымен № 1 Балалар музыкалық мектебінде тұңғыш рет Сағын Жалмышев атындағы Республикалық домбырашылар байқауы өтеді.
           2017 жылғы 1 қараша күні байқауға қатысушылардың жеребе тастауы өтеді. 2 қараша күні сағат 10.00-ден 18.00-ге дейін, 3 қараша күні сағат 10.00-ден 13.00-ге дейін байқауға қатысушылардың тыңдауы өтеді.
           Екі күн бойы Қазақстанның өңірлерінен келген 23 домбырашылар домбыраның ең мықты орындаушысы атағы үшін күресетін болады.
Сағын Жалмышев атындағы бірінші республикалық домбырашылар байқауына Астана, Алматы, Ақтөбе, Атырау, Қарағанды, Қызылорда, Маңғыстау, Петропавл, Шымкент және Қостанай қалаларының орандаушылары қатысады.
           Қатысушылардың орындау шеберлігін бағалауды беделді қазылар алқасы жүргізеді:
Шақрат Сержан – Маңғыстау күй мектебінің өкілі, еліміздің үздік домбырашыларының бірі, атақты халық күйшілері: Абыл, Күлшара, Есір, Арал, Оскенбай, Қартбай, Мұрат, Шамғұл және Әлімнің ізбасары, Италия, Швейцария, Бельгия, Испания фестивальдерінің лауреаты, бүтіндей бір музыканттар буынының тәрбиелеушісі, Ақтау қаласы.
Сақтанов Ерлан – «Қазақстан Республикасы білім беру саласының Құрметті қызметкері» белгісінің иегері, Дина Нұрпейісова атындағы Ұлттық академияның және Атырау қаласындағы музыкалық колледжінің оқытушысы;
Әбсадықов Әлімжан– республикалық конкурстардың бірнеше дүркін лауреаты, Қызылорда қаласы;
Молдахметов Назымбек – Қазақстан Республикасының еңбек сіңірген қайраткері, Е. Өмірзақов атындағы облыстық филармониясының қазақ ұлт аспаптар оркестірінің дирижері, Қостанай қаласы;
Қазылар алқасының төрайымы Үлкенбаева Айгүл– Республикалық және Халықаралық байқаулардың бірнеше дүркін лауреаты, «Дарын» мемлекеттік жастар сыйлығының лауреаты, Қазақстан Республикасының еңбек сіңірген әртісі, Алматы қаласы.
Сағын Жалмышев атындағы Республикалық домбырашылар байқауының жүлде қоры 1 миллион 450 мың теңгені құрайды. 1,2,3 орын, сондай-ақ, Гран-при иегерлері анықталатын болады.
Сағын Жалмышев атындағы Республикалық домбырашылар байқауының жүлдегерлерін марапаттау, сондай-ақ, Гала-концерт 2017 жылғы 3 қараша күні 15.00-де өтеді.