Өтетін уақыты:
2020 жылдың 20 қазан айы, сағат 15.00.
 
Өтетін орны:
Е.Өмірзақов атындағы Қостанай облыстық филармониясы, Юбилейный шағын ауданы, 56 («Жастар сарайы» ғимараты).

2020 жылы 20 қазанда Е.Өмірзақов атындағы Қостанай облыстық филармониясында (Юбилейный шағын ауданы, 56, «Жастар сарайы» мәдениет үйі) Қостанай облысы әкімінің орынбасары Б.А. Есімованың қатысуымен «Рухани қазына – 2020» байқауының облыстық кезеңінің жеңімпаздарын марапаттау рәсімі өтеді.

Үшінші жыл қатарынан өткізіліп отырған облыстық байқауға Қостанай облысының мемлекеттік музейлері, кітапханалары, Мәдениет үйлері, ауыл клубтары, сондай-ақ мәдениет саласының қызметкерлері қатысты.

Облыстық кезеңнің қорытындысы бойынша 8 үздік мәдени ұйым, 8 үздік мәдениет қызметкері, сондай-ақ осы жылы жаңадан қосылған «Мәдениет жанашыры» және «Бір отбасы – бір кәсіп» аталымдары бойынша 2 жеңімпаз анықталды. Мұның сыртында, биыл «Карантин кезіндегі белсенді қызметі үшін» аталымы бойынша 6 үздік оза шауып, 1 үміткер «Ғазиза Жұбанова атындағы арнайы сыйлыққа» ие болды.

Байқаудың облыстық кезеңінің жеңімпаздары осы сынның ІІІ Республикалық айналымына қатысуға мүмкіндік алды. Оған еліміздің 119 кітапханасынан, 90 мәдени-ойын-сауық орталықтарынан және 50 музейінен барлығы 259 өтінім қабылданған. Республикалық сынның қорытындысы бойынша, 50 аталымның алтауын Қостанай облысының үміткерлері жеңіп алды.

«Рухани қазына – 2020» байқауының облыстық кезеңінің жеңімпаздарына мынадай көлемде ақшалай сыйлық беріледі: ұйымдарға 100 000 теңге, ал үздік қызметкерлерге 50 000 теңгеден табысталмақ. Барлық қаржы ұйымдардың материалдық-техникалық базасын күшейтуге, сондай-ақ мәдениет саласы қызметкерлерінің біліктілігін арттыруға бағытталады.

Облыстың барлық электронды және баспа БАҚ журналистерін осы іс-шараға қатысуға шақырамыз.
 

Қосымша ақпаратты мына байланыс нөмірінен біле аласыз:
8 (7142) 560-129
Почта:hsb@ocsnt.kz
Веб-сайт: ocsnt.kz