2019 жылы қазанның 16-17 күндері Нұржан Наушабаев атындағы І республикалық «Арқада Наушабайдың Нұржаны өткен...» дәстүрлі ән орындаушылар байқауы Қостанай аудандық «Алтын дән» мәдениет үйінде өтеді
ПРЕСС-РЕЛИЗ
Ақын, композитор, әнші Нұржан Наушабаевтың 160 жылдығына арналған
І Республикалық «Арқада Наушабайдың Нұржаны өткен...»
дәстүрлі ән орындаушыларының байқауы
2019 жылғы қазанның 16-17 күндері Нұржан Наушабаев атындағы І республикалық «Арқада Наушабайдың Нұржаны өткен...» дәстүрлі ән орындаушылар байқауы Қостанай аудандық «Алтын дән» мәдениет үйінде өтеді. (І кезең - 16 қазан сағат 15.00-де; ІІ кезең – 17 қазан сағат 11.00-де, Гала концерт (марапаттау) сағат 15.00-де өтеді).
Сондай-ақ, «Тақтақ ақын-Нұржан Наушабаев» атты ақындардың өңірлік айтысы ұйымдастырылады. Айтыстың өтетін уақыты: 16-қазан күні, сағат 11.00-де.
Байқаудың құрметті қонағы және қазылар алқасының төрағасы-белгілі Қазақ ұлттық университетінің «Дәстүрлі ән» кафедрасының профессоры, Қазақстанның еңбек сіңірген қайраткері, фольклоршы-ғалым Алмас Алматов Қостанай облысы аудандары мен қалаларының жыршы-термешілері үшін жыр-терме жанры бойынша шеберлік сабағын өткізеді.
Мақсат – талантты жастарымызды өнердің кәусәр бұлағынан нәр алғызып, шеберлігін шыңдауға ықпал ету, қазақ әдебиетінде, құдіретті сөз өнерінде өшпес із қалдырған Нұржан Наушабайұлының ақындық бейнесін айшықтап, миуалы мұрасын бүгінгі күнде жаңғырту.
Кіру тегін.
