2019 жылғы 19-20 мамыр күндері
сатирик-жазушы, этнограф-ғалым Сейіт Кенжеахметовтың
80 жылдығына арналған «Мірдің оғы» Республикалық   әзіл-сықақ театрларының фестивалі өтеді.

 
Фестиваль Сейіт Кенжеахметовтың шығармашылық мұрасымен танысу, әзіл-сықақ театрларының орындаушылық шеберлігін шыңдау,   өңіріміздің талантты  өнерпаздарын  анықтау, әзіл-сықақ театрларының бір-бірімен тәжірибе алмасуы арқылы өнерлерін жетілдіру, "Рухани жаңғыру" мемлекеттік бағдарламасын жүзеге асыру мақсатында өткізіледі.   

Қазақ әдебиетіндегі сатира жанрын дамытуға елеулі үлес қосқан айтулы сатира сардары, сықақшы, танымал фольклорист, этнограф, жазушы, Сейіт Кенжеахметовтың 80 жылдығына арналған әзіл-сықақ театрлары фестиваліне Қазақстанның Еңбек сіңірген қайраткері, Президент сыйлығының, Халықаралық «Алаш» әдеби сыйлығының лауреаты, «Парасат»  орденінің игері,  ақын, сатирик Көпен Әмірбек, режиссер, Қазақстанның Еңбек сіңірген қайраткері Асқар Наймантаев, Қостанай облысының әзіл-сықақ театрлары және Алматы қаласынан «Терісқақпай» әзіл-сықақ театры, Ақтөбе қаласынан «Екі Езу» сатира театры және Астана қаласынан елімізге танымал өнер майталмандары қатысады.   

Фестиваль аясында театр жетекшілері үшін шеберлік сағаты өтеді. Шеберлік сағатын елімізге танымал өнер қайраткері, режиссер, Қазақстанның Еңбек сіңірген қайраткері Асқар Наймантаев жүргізеді.
Облыстың электрондық және баспа БАҚ журналистерін, SM-блогерлерді осы іс-шараға шақырамыз.