БАСПАСӨЗ ХАБАРЛАМАСЫ: «Құшағы ыстық Қостанай» – Серік Тұрғынбекұлының 80 жылдығына арналған шығармашылық кеш өтеді
2026 жылғы 1 шілде күні сағат 16:00-де Қостанай қаласындағы Жастар сарайында қазақ әдебиетінің көрнекті өкілі, ақын, драматург, Қазақстанның еңбек сіңірген қайраткері Серік Тұрғынбекұлының 80 жылдық мерейтойына арналған «Құшағы ыстық Қостанай» атты шығармашылық кеш өтеді.
Серік Тұрғынбекұлы – қазақ поэзиясы мен драматургиясында өзіндік қолтаңбасын қалыптастырған, ұлттық руханияттың дамуына зор үлес қосқан қаламгер. Оның терең ойлы жырлары, тағылымды туындылары мен драмалық шығармалары бірнеше буын оқырманның рухани қазынасына айналды.
Мерейтойлық кеште ақынның өмір жолы мен шығармашылығын арқау еткен әдеби-сазды композициялар ұсынылады. Сонымен қатар, белгілі өнерпазтар ақынның сөзіне жазылған әндерді орындап, оның поэзиясынан үзінділер оқылады. Іс-шара көрермендерді қаламгердің шығармашылық әлемімен жақынырақ таныстырып, ұлттық әдебиеттің асыл мұрасын дәріптеуге бағытталған.
«Құшағы ыстық Қостанай» шығармашылық кеші – қазақ әдебиеті мен өнерін құрметтейтін көпшілікке арналған тағылымды мәдени шара.
Өтетін уақыты: 2026 жылғы 1 шілде, сағат 16:00.
Өтетін орны: Қостанай қаласы, Жастар сарайы.
Кіру: тегін.
Іс-шараны ұйымдастырушылар:
- «Қостанай облысы әкімдігінің мәдениет басқармасы» ММ;
- Қостанай облысы әкімдігі Мәдениет басқармасының «Облыстық көркемөнерпаздардың халық шығармашылығы мен кинобейнеқор орталығы» КМҚК.
Облыстың және қаланың БАҚ журналистерін осы іс-шараға қатысуға және ақпараттық қолдау көрсетуге шақырамыз.
Байланыс үшін:
Телефон: +7 (7142) 562-428
Электронды пошта: 1@ocsnt.kz
