Өтетін күні: 17–18 наурыз 2026 жыл

17 наурыз - сағат 16:00

18 наурыз - сағат 12:00

Өтетін орны: Қостанай қаласы, Жастар сарайы
 

 
Фестиваль 2019 жылы Қазақстанда жарияланған Жастар жылы аясында алғаш рет ұйымдастырылып, содан бері өңірдің мәдени өміріндегі маңызды халықаралық жобалардың біріне айналды. Бүгінде ол талантты жастарды тоғыстыратын беделді шығармашылық алаң ретінде танылып отыр.
 

Фестивальдің алты жылдық тарихында 91 балалар мен жасөспірімдер хореографиялық ұжымы қатысып, мыңнан астам жас өнерпаз сахна төрінде өнер көрсетті. Әр жылдары фестивальге ТМД және жақын шетел елдерінің үздік би ұжымдары қатысты. Олардың қатарында Ресей Федерациясы, Беларусь, Украина, Грузия, Армения, Әзербайжан, Башқұртстан, Татарстан, Өзбекстан, Қырғызстан, Молдова, Солтүстік Осетия және Қазақстан Республикасының шығармашылық ұжымдары бар.
 

Фестиваль көрермендерге әлем халықтарының би мәдениетін, ұлттық дәстүрлері мен өнерімен таныстырады. Сонымен қатар мәдениетаралық ынтымақтастықты дамытуға, достық қарым-қатынасты нығайтуға және шығармашылық тәжірибе алмасуға мүмкіндік береді.
 

Фестивальдің негізгі мақсаты – түркі халықтарының ұлттық мәдениетін жаңғырту, сақтау және дамыту, халықаралық мәдени байланыстарды кеңейту және жастар шығармашылық ұжымдары арасындағы ынтымақтастықты арттыру.
 

Іс-шараны Қостанай облысының әкімдігі, Қостанай қаласының әкімдігі, Қостанай облыстық мәдениет басқармасы мен облыстық білім басқармасы ұйымдастырады.

Кіру тегін.