БАСПАСӨЗ ХАБАРЛАМАСЫ | «Алтын микрофон – 2025» XXI Халықаралық вокалдық байқауының өткізілуі туралы
БАСПАСӨЗ ХАБАРЛАМАСЫ
«Алтын микрофон – 2025»
XXI Халықаралық вокалдық байқауының өткізілуі туралы
Өтетін уақыты:
Байқау қатысушыларының өнер көрсетуі:
15 тамыз сағат 10:00 — байқаудың ашылуы, бірінші тур;
15 тамыз сағат 14:00 — екінші тур;
16 тамыз сағат 19:00 — жүлдегерлерді марапаттау рәсімі және Гала-концерт.
Турлардың өтетін орны:
Қостанай қаласы, Юбилейный шағын ауданы, 56
(«Жастар сарайы» ғимараты).
Гала-концерттің өтетін орны:
Қостанай облысы әкімдігі алдындағы Орталық алаң.
2025 жылдың 15–16 тамызы аралығында Қостанай қаласында XXI
Халықаралық әншілер байқауы «Алтын микрофон – 2025» өтеді.
2025 жылдың 14–21 сәуір аралығында Қостанай облысында «Алтын микрофон – 2025» XXI Халықаралық вокалдық байқауының өңірлік іріктеу кезеңі өтті. Байқауға облыстың барлық аудандары мен қалаларынан, соның ішінде Қостанай, Арқалық, Лисаков, Рудный және Тобыл қалаларынан 171 үміткер қатысты.
28 сәуір күні өткен облыстық кезеңде 68 қатысушы өнер көрсетті. Іріктеу қорытындысы бойынша 25 әнші жеңімпаз атанып, байқаудың финалдық кезеңіне жолдама алды.
2025 жылдың 4 маусымы мен 2 шілдесі аралығында өткен қашықтан халықаралық іріктеу кезеңіне Қазақстаннан және жақын әрі алыс шетелдерден 129 үміткер қатысты. Байқауға Қырғызстан, Өзбекстан, Башқұртстан, Татарстан, Беларусь, Германия, Ұлыбритания, Болгария, Армения және басқа да елдердің өкілдері енді.
Іріктеу нәтижесінде финалдық шорт-парақ жасақталды:
13 қатысушы — шетелден;
48 қатысушы — Қазақстан Республикасының өңірлерінен;
26 қатысушы — Қостанай облысынан.
Жалпы финалистер саны — 87 вокалшы.
Байқаудың негізгі күндері мен іс-шаралары:
14 тамыз — қатысушылардың жеребе таңдауы (Жастар сарайы)
15 тамыз — байқаудың ресми ашылуы, I және II турлары (Жастар сарайы)
16 тамыз — марапаттау рәсімі және гала-концерт
Өтетін орны — Қостанай облысы әкімдігі алдындағы Орталық алаң.
Ұйымдастырушылар:
байқаудың құрылтайшысы Қостанай облысының әкімдігі;
байқаудың уәкiлеттi органы «Қостанай облысы әкімдігінің мәдениет басқармасы» ММ.
Финалдық кезеңді бұқаралық ақпарат құралдарында жариялап, насихаттауға шақырамыз.
«Алтын микрофон – 2025» XXI Халықаралық вокалдық байқауы биылғы жылдың ең жарқын мәдени оқиғаларының бірі болмақ, ол қазақстандық және шетелдік талантты әншілердің басын біріктіретін бірегей жоба.
Қосымша ақпарат алу үшін мына байланыс нөміріне хабарласуға болады:
тел.: +7 /7142/ 560-129
email: hsb@ocsnt.kz
website: www.ocsnt.kz
Instagram: @culture_qostanai
Instagram: @altyn_mikrofon_qostanai
