БАСПАСӨЗ ХАБАРЛАМАСЫ
 

VI халықаралық хореографиялық өнер фестивалі
 

15 наурыз 2025 жыл, 15:00 – Фестивальдің салтанатты ашылуы

16 наурыз 2025 жыл, 12:00 – Жеңімпаздарды марапаттау рәсімі және Гала-концерт
 

Қостанай қаласы, Жастар Сарайы (Юбилейный шағын ауданы, 56 ғимарат)
 

2025 жылғы 15-16 наурыз аралығында Қостанайда «Жастар Сарайында» «Наурыз достарын шақырады» VI халықаралық хореографиялық өнер фестивалі өтеді. Фестиваль Азия халықтарының ең көне мерекелерінің бірі – Наурыз мейрамын атап өту аясында ұйымдастырылады.
 

Фестивальдің негізгі мақсаты – түркі халықтарының ұлттық мәдениеттерін жаңғырту, сақтау, дамыту және халықаралық ынтымақтастықты нығайту.

Құрылтайшылар мен ұйымдастырушылар:

• Қостанай облысының әкімдігі

• Қостанай қаласының әкімдігі

• Қостанай облысының білім басқармасы

• Қостанай облысының мәдениет басқармасы
 

• Қазақстанның хореографиялық өнерін дәріптеу;

• балалар мен жастардың хореографиялық шығармашылығын насихаттау және қолдау;

• ұлтаралық қатынастар мәдениетін дамыту;

• жалпыадамзаттық құндылықтар, шығармашылық және кәсіби бәсекеге қабілеттілік негізінде балалар мен жастардың өзін-өзі жүзеге асыруы.

Фестивальге 12-18 жас аралығындағы хореографиялық ұжымдар қатысады. Әр ұжым өз халқының мәдениетін бейнелейтін үш халықтық немесе халықтық-стильдендірілген би қояды.

Қатысушы ұжымдар туралы ақпарат:

«Наурыз достарын шақырады» VI халықаралық хореографиялық өнер фестиваліне әртүрлі елдер мен аймақтардан келген талантты ансамбльдер қатысады. Олардың арасында Қырғызстан, Ресей және Қазақстаннан келген би ұжымдары бар. Фестиваль аясында қатысушылар өз халқының ұлттық мәдениетін бейнелейтін үш халықтық немесе халықтық-стильдендірілген би қойылымын ұсынады. Әр ансамбль өзінің бірегей би дәстүрлерін паш етіп, көрермендерге ерекше әсер сыйлайды.
 

Облыстың БАҚ журналистерін осы іс-шараға қатысуға және «Наурыз достарын шақырады» фестиваліне ақпараттық қолдау көрсетуге шақырамыз.