Байқауға 12 жастан 35 жасқа дейінгі орындаушылар қатыса алады. Ол үшін домбырада (кез келген жанрда) шығарманың жеке орындауында жақсы сапалы бейнежазба жазу қажет. Бейне бір минуттан аспауы, вертикалды күйде түсірілуі тиіс.

 

Байқау туындылары «жанды түрде» орындалады, сонымен қатар минус фонограмманы гармониялық қолдау үшін пайдалануға болады. «Плюс» фонограммамен қатысуға жол берілмейді.

 

Байқауға қатысу өтінімдері 2024 жылғы 20-маусымнан 2-шілдеге дейін қабылданады. Қатысушы бейнеролик пен өтінімді assambly_kst инстаграмына жіберуі керек. Жазылған бейнероликті Instagram парақшасында жариялап, ұйымдастырушылар репост жасай алу үшін assаmbly_kst белгілеу қажет. Қатысушы бейнероликті өзі туралы қысқаша ақпаратпен сүйемелдеуі тиіс. Өтініш үлгісі қоса беріледі. Ұйымдастырушылар шығармашылық зиялы қауым, сондай-ақ кәсіби домбырашылар арасынан қазылар алқасын құрады.

 

Қатысушыларды бағалаудың негізгі критерийлері домбырада ойнау кезіндегі орындаушылық шеберлігі мен техникасы, шығарманы ұсынудың өзіндік ерекшелігі, орындаудың әртістік және сахналық мәдениеті, ұлттық костюм элементтері құпталады. Атап айтқанда, қамзол, шапан, тақия, қыздарға арналған ұлттық әшекейлер.

 

Осы Ереже Қостанай облысының тұрғындары арасында «Қасиетті домбыра»онлайн-байқауын ұйымдастыру және өткізу тәртібін айқындайды.

 

Онлайн-байқауды Қостанай облысы әкімдігі қоғамдық даму басқармасының «Қоғамдық келісім» мекемесі ұйымдастырып отыр.

 

 2024 жылдың 3 шілдесінде қазылар алқасы байқаудың үш финалистін анықтайды және олардың бейнероликтерін assambly_kst ресми инстаграм парақшасында жариялайды, онда көрермендердің дауысы арқылы бір жеңімпаз анықталады.

 

Жеңімпаздың аты 2024 жылғы 5 шілдеде Алтынсарин көшесі, 115 мекенжайы бойынша өтетін Домбыра Party іс-шарасы аясында жарияланады. Өткізу уақыты қосымша хабарланады.