2018 жылы 7 желтоқсан күні сағат 18.00 – де  Қостанай қалалық «Мирас» мәдениет сарайында Арқалық қаласының Халықтық «Қазына» ардагерлер хорының концерті өтеді.

 

«Қазына» ардагерлер хоры 2005 жылы «Арқалық қалалық Мәдениет сарайы» МКҚК жанынан құрылды. Ұжым құрамында 35 тұрақты мүше бар. Ансамбль мүшелерінің ішінен 17 адамнан тұратын «Қазына» қазақ ұлт аспаптық ансамблі, «Асыл әжелер» вокалдық тобы және «Ивушка» вокалдық ансамбльдері ұйымдастырылды. Ұжым мүшелерінің жас мөлшері 60 жас пен 85 жас аралығында.
 
2016 жылы «Қазына» ардагерлер хорына «Халықтық» атақ берілді. «Қазына» ардагерлер хорының бағдарламасында ән, би, көркемсөз, әзіл-сықақ жанрлары қамтылған. Хорды 45 жыл еңбек өтілімі бар озат ұстаз Әмина Сарманқызы басқарады.
 
Шығармашылық кешке қоғам қайраткерлері, танымал мәдениет және өнер қайраткерлері қатысады.
 
Облыстық көркемөнерпаздар халық шығармашылық орталығы осы маңызды іс-шараға қатысу үшін облыстың электрондық және баспа БАҚ журналистерін, SM-блогерлерді шақырады.
 
Кіру тегін.