Жас таланттардың атын шығаратын дәстүрлі «Алтын микрофон» халықаралық байқауына биыл – 20 жыл
18.04.2023
1092
0
Ақпаратты достарыңызбен сілтеме арқылы бөлісіңіз:
Үш күнге созылатын байқау ертең бастау алып, бірінші кезеңі өтеді. Өңірлік коммуникациялар қызметінде өткен брифингте облыстық мәдениет басқармасының басшысы Ерлан Қалмақов байқау жөнінде айтып, тоқтала кетті.
— Өнерпаздардың талантын шыңдап, өнер әлеміне жол ашып келе жатқан өнер бәйгесіне әр елден 77 үміткер келді. Олардың қатарында шет елден келгендер де бар. Бүгінде бүкіл елге танылған Қостанай өңірінің таланттары осы байқаудан шыңдалып шыққан. Кезінде «Славян базарында» топ жарған Ернар Садырбаев та, Абай атындағы мемлекеттік академиялық опера және балет театрының белді солисі Балуан Беркенов те, Батырхан Мәліков те, Ясмин Ибраева да осы «Алтын микрофон» фестивалінен өсіп шыққан өрендер. Үміттерін үкілеп келген жастарға тек сәттілік тілейміз, — дейді Ерлан Қалмақов.
Брифингке қатысқан «Славянский базар в Витебске» өнер фестивалінің директоры Глеб Лапицкий (Беларусь) және қоғам қайраткері, меценат, Украинаның халықаралық «Европа Молодая» фестиваль-байқауының директоры, «Музыкальное созвездие» фестивалінің арт-директоры Татьяна Апанасенко (Украина) аталмыш байқау жөнінде, қазақ елінің өнері жайында ыстық лебіздерін білдірді.
