Нұржан Наушабайұлы атындағы ІIІ Республикалық
«Арқада Наушабайдың Нұржаны өткен...»
жыр-терме, дәстүрлі ән орындаушылар байқауы
Өтетін уақыты:
Іс-шараның ашылу салтанаты — 17 қараша, сағат 14:00-де,
Іс-шараның жабылу рәсімі — 18 қараша, сағат 11:00-де.
Өтетін орны:
Тобыл қаласы, «Алтын дән» мәдениет үйі,
Тәуелсіздік көшесі, 61-а.
2022 жылғы қарашаның 17-18 күндері, Тобыл қаласындағы «Алтын дән» мәдениет үйінде, Нұржан Наушабайұлы атындағы ІIІ Республикалық «Арқада Наушабайдың Нұржаны өткен...» жыр-терме, дәстүрлі ән орындаушылар байқауы өтеді.
Мақсаты:
Талантты жастарымызды өнердің кәусәр бұлағынан нәр алғызып, шеберлігін шыңдауға ықпал ету, қазақ әдебиетінде, құдіретті сөз өнерінде өшпес із қалдырған Нұржан Наушабайұлының ақындық бейнесін айшықтап, миуалы мұрасын бүгінгі күнде жаңғырту.
Нұржан Наушабайұлы атындағы «Арқада Наушабайдың Нұржаны өткен...» ІІІ республикалық жыр-терме, дәстүрлі ән орындаушылар байқауына Қызылорда, Астана, Алматы, Ақтөбе, Қарағанды, Павлодар, Қостанай өңірлерінен 17 үміткер қатысады.
Байқаудың құрметті қонағы және қазылар алқасының төрағасы - белгілі Қазақ ұлттық университетінің «Дәстүрлі ән» кафедрасының профессоры, Қазақстанның еңбек сіңірген қайраткері, фольклоршы-ғалым Алмасбек Алматов болады.
Облыстың электрондық және баспа БАҚ журналистерін осы іс-шараға қатысуға және ақпараттық қолдау көрсетуге шақырамыз.
Қосымша ақпарат алу үшін мына байланыс нөміріне хабарласуға болады:
тел.: +7 /7142/ 560-129
email: 1@ocsnt.kz
website: www.ocsnt.kz
