Сатирик, ғалым Сейіт Кенжеахметов атындағы «Мірдің оғы» республикалық әзіл-сықақ театрлары арасында байқау- фестивалі өтеді

Кешке «Парасат» орденінің игері, ақын, сатирик Көпен Әмірбек және Сейіт Кенжеахметовтың ұрпақтары қатысады

Қостанайда 13-14 қазан күндері сатирик-жазушы, этнограф-ғалым Сейіт Кенжеахметов атындағы «Мірдің оғы» Республикалық әзіл-сықақ театрларының байқау-фестивалі өтеді. Шара Тобыл қаласындағы «Алтын дән» мәдениет үйінде болады.

Мақсат – Сейіт Кенжеахметовтың шығармашылық мұрасымен танысу. Облыстағы әзіл-сықақ театрларының орындаушылық шеберігін шындау, өңіріміздің талантты өнерпаздарын анықтау, әзіл-сықақ театрларының бір-бірімен тәжірибе алмасуы арқылы өнерлерін жетілдіру, жандандыру.

Қазақ әдебиетіндегі сатира жанрын дамытуға елеулі үлес қосқан айтулы сатира сардары, сықақшы, танымал фольклорист, этнограф, жазушы, Сейіт Кенжеахметов атындағы фестивальге Қазақстанның Еңбек сіңірген қайраткері, Президент сыйлығының, Халықаралық «Алаш» әдеби сыйлығының лауреаты, «Парасат» орденінің игері, ақын, сатирик Көпен Әмірбек, Сейіт Кенжеахметовтың ұрпақтары кештің құрметті қонағы болады. Сонымен қатар ҚР мәдениет қайраткері Асылбек Боранбай төрелк жасайды.

Байқау-фестивальде Ақтөбе, Батыс Қазақстан, Жамбыл, Маңғыстау, Қостанай, Қызылорда облыстарының әзіл сықақ театрлары қатысып бақ сынайды.

13 қазан сағат 16:00 – бірінші кезең;

14 қазан сағат 10:00 – екінші кезең;

14 қазан сағат 13:00 – марапаттау.