Қазақ КСР Халық әртісі,
көрнекті театр және кино актері
Сералы Қожамқұловтың 125 жылдығына арналған
"SERALY FilmFestival" қысқа метражды көркем фильмдердің
республикалық фестиваль-байқауы өтеді
Өтетін күні:
5 мамыр 2022 жыл
Өтетін уақыты мен орны:
сағат 11:00-де — «Жастар сарайы» мәжіліс залында кинофестиваль лауреаттарының фильмдерінің көрсетілімі, баспасөз мәслихаты.
сағат 15:00-де — І.Омаров атындағы Қостанай облыстық қазақ драма театрында жеңімпаздарды марапаттау рәсімі.
5 мамыр күні сағат 11:00-де "Қостанай облысы әкімдігінің мәдениет басқармасы" ММ қала тұрғындары мен қонақтарын, БАҚ өкілдерін Қазақ КСР Халық әртісі, көрнекті театр және кино актері Сералы Қожамқұловтың 125 жылдығына арналған "SERALY FilmFestival" қысқа метражды көркем фильмдердің республикалық фестиваль-байқауына шақырады.
"SERALY FilmFestival" республикалық қысқаметражды көркем фильмдер фестиваль-байқауы — фестиваль қатысушыларына шығармашылық серпін сыйлап, Қазақстанның кино саласына өз есімдерін таныстыруға жол ашатын бірегей мәдени іс-шара. Фестивальге өндірістік киностудиялар, ұйымдар және Қазақстан Республикасының азаматтары қатыса алады. Республикалық "SERALY FilmFestival" қысқаметражды көркем фильмдер фестиваль-байқауына қатысуға Қазақстанның әр аймағынан барлығы 40 өтінім келіп түсті.
ФЕСТВАЛЬДІҢ МАҚСАТЫ МЕН МІНДЕТІ
Қазақстанның кино өнерін дәріптеу және насихаттау, театр және кинематография саласында жүрген талантты және шығармашыл адамдарды іздеу және қолдау, өзара тәжірибе, шығармашылық идеялар алмасу және Қазақстан кинематографистерінің кәсіби деңгейін арттыру үшін шығармашылық платформа құру, жастарды патриоттық рухта тәрбиелеу, оларды Қазақстанның тарихын, дәстүрін және мәдениетін құрметтеуге үндеу.
Фестиваль бағдарламасына – Сералы Қожамқұловтың шығармашылығына арналған көрме, баспасөз конференциясы, фестиваль қатысушыларының қызыл кілеммен жүріп өтуі, фильмдердің байқау үшін және байқаудан тыс көрсетілімдері, тақырыптық бағдарламалар, дөңгелек үстелдер, шеберлік сабақтары, сондай-ақ жеңімпаздарды марапаттау рәсімі кіреді.
Фестиваль жеңімпаздары "Үздік қысқа метражды фильм", "Үздік режиссура", "Үздік операторлық жұмыс", "Үздік сценарий" аталатын төрт номинация бойынша анықталып, мүсіншелермен, дипломдармен және ақшалай сертификаттармен марапатталады.
ІС-ШАРАНЫ ҰЙЫСДАСТЫРУШЫЛАР:
- "Қостанай облысының әкімдігі" ММ;
- "Қостанай облысы әкімдігінің Мәдениет басқармасы" ММ.
ФЕСТИВАЛЬДІҢ ҚАЗЫЛАР АЛҚАСЫ ЖӘНЕ ҚҰРМЕТТІ ҚОНАҚТАРЫ:
Қазылар алқасының төрағасы: Сәкен Досхан Сәкенұлы –С.Қожамқұлов атындағы Жезқазған қазақ музыкалық драма театрының директоры, театр және кино актері.
Наргиз Тамабекқызы – М. Әуезов атындағы қазақ ұлттық драма театры музейінің жетекшісі, Мәдениет саласының үздігі.
Мадина Әлімқан – продюсер. 20-дан астам фильмнің кинорежиссері.
Құрметті қонақтар:
Мәриям Қожамқұлова – П.Чайковский атындағы Алматы музыкалық колледжінің оқытушысы, П. Чайковский атындағы Орта Азия халықаралық байқауының лауреаты.
Алтынай Нөгербек – Қазақстанның еңбек сіңірген қайраткері, театр және кино актрисасы, Қазақстан Республикасы Мемлекеттік сыйлығының лауреаты.
Қала тұрғындары мен қонақтарын Қазақ КСР Халық әртісі, көрнекті театр және кино актері Сералы Қожамқұловтың 125 жылдығына арналған "SERALY FilmFestival" республикалық қысқаметражды көркем фильмдер фестиваль-байқауына қатысуға шақырамыз. БАҚ өкілдерін ақпараттық сүйемелдеу мақсатында аталған іс-шараға қатысуға шақырамыз.
Толық ақпарат:
Тел.: +7 /7142/ 560-129
Email: 1@ocsnt.kz
Website: www.ocsnt.kz
