БАСПАСӨЗ ХАБАРЛАМАСЫ
«Алтын микрофон-2022» XIX Халықаралық
әншілер байқауы
Өтетін уақыты:
Қатысушылардың өнер көрсетуі:
22 сәуір сағат 17.00-де — бірінші тур;
23 сәуір сағат 14.02-де — екінші тур;
24 сәуір сағат 11:00-де — жеңімпаздарды марапаттау рәсімі және Гала-концерт.
Өтетін орны:
Қостанай қаласы, Юбилейный шағын ауданы, 56
(«Жастар Сарайы» ғимараты).
2022 жылғы 22-23-24 сәуір Қостанай қаласындағы
Жастар сарайының концерт залында
«Алтын микрофон-2022»
XIX Халықаралық әншілер байқауы өтеді
Байқау вокалдық өнердің жас талантты орындаушыларын анықтау және қолдау, сондай-ақ Қазақстан халқының рухани бірлігі идеясын, бейбітшілік халықтарының достығын, ұлтаралық және мәдениетаралық шығармашылық диалогты дамыту және тарату, «Рухани жаңғыру» мемлекеттік бағдарламасын жүзеге асыру мақсатында өткізіледі.
Ұйымдастырушылар:
байқаудың құрылтайшысы Қостанай облысының әкімдігі;
байкаудың уәкiлеттi органы «Қостанай облысы әкімдігінің мәдениет басқармасы» ММ.
Байқаудың лауреаттары мен дипломанттары ұйымдастыру комитетінің бағалы сыйлықтарымен марапатталады. Үздік орындаушыға (байқаудың Гран-при иегері) «Қостанай облысы әкімінің сыйлығы» тапсырылады, сондай-ақ байқаудың Үздік орындаушыларын Ұйымдастыру комитеті мен қазылар алқасы Халықаралық балалар шығармашылығы байқауларына қатысуға ұсынады. «Алтын микрофон» байқауының (Гран-При, лауреаттар) жеңімпаздарына Қазақстанда, Ресейде, Беларусияда, Болгарияда, немесе Еуропа мен Азия елдерінде (жыл бойы) өткізілетін халықаралық байқаулардың біріне қатысу құқығы беріледі.
Облыстың электрондық және баспа БАҚ журналистерін осы іс-шараға қатысуға және ақпараттық қолдау көрсетуге шақырамыз.
Қосымша ақпарат алу үшін мына байланыс нөміріне хабарласуға болады:
тел.: +7 /7142/ 560-129
email: 1@ocsnt.kz
website: www.ocsnt.kz
