Ұлт ұстазы Ахмет Байтұрсынұлының 150 жылдығына және Балалар жылына арналған «Жас тұлпар» облыстық оқушылар айтысы
БАСПАСӨЗ ХАБАРЛАМАСЫ
Ұлт ұстазы Ахмет Байтұрсынұлының 150 жылдығына және
Балалар жылына арналған «Жас тұлпар» облыстық оқушылар айтысы
Өтетін уақыты:
2022 жылғы 13 сәуір, сағат 10.00-де
Өтетін орны:
А. Байтұрсынұлы атындағы Қостанай өңірлік университеті.
2022 жылдың 13 сәуірі күні сағат 10.00-де А. Байтұрсынұлы атындағы Қостанай өңірлік университетінде «Жас тұлпар» облыстық оқушылар айтысы өтеді.
Биылғы жас ақындар додасына маңызды үш оқиға – рухани көсем Ахмет Байтұрсынұлының 150 жылдық мерейтойы, Балалар жылы және «Жас тұлпар» облыстық оқушылар айтысының 30 жылдығы арқау болғалы отыр. Бастауын 1992 жылдан алатын «Жас тұлпар» жобасы Тобыл-Торғай өңіріндегі талапкер ақындарды шыңдап шығаратын рухани мектепке айналды. Өнер жолын осы айтыстан бастаған көптеген дарын иесі елге танымал өнерпаздарға айналды. Облыстық оқушылар айтысы жас өркендердің талабын ұштап, өнер өлкесіне жол нұсқауды әлі де жалғастырып келеді.
Іс-шараны ұйымдастырушы:
- «Қостанай облысы әкімдігінің мәдениет басқармасы» ММ;
- Қостанай облысы әкімдігі Мәдениет басқармасының «Облыстық көркемөнерпаздардың халық шығармашылығы мен кинобейнеқор орталығы» КМҚК.
Облыстың электрондық және баспа БАҚ журналистерін осы іс-шараға қатысуға және ақпараттық қолдау көрсетуге шақырамыз.
Қосымша ақпарат алу үшін мына байланыс нөміріне хабарласуға болады:
тел.: +7 /7142/ 560-129
email: 1@ocsnt.kz
website: www.ocsnt.kz
