БАСПАСӨЗ БАЯНЫ Қалибек Деріпсалдиннің әндерін орындаушылардың Республикалық «Көктем-қыздар» ән байқауы

БАСПАСӨЗ БАЯНЫ

Қалибек Деріпсалдиннің әндерін орындаушылардың Республикалық «Көктем-қыздар» ән байқауы

Өтетін орны:
Қостанай қаласы, Е.Өмірзақов атындағы облыстық филармония

Өтетін уақыты мен күні:
12-сәуір, 2018 ж. сағ. 9.00
13-сәуір, 2018 ж., сағ. 15.00

2018 жылғы 12-13 сәуірде «Рухани жаңғыру» мемлекеттік бағдарламасы шеңберінде Қостанай облысы әкімдігі мәдениет басқармасының «Облыстық көркемөнерпаздар халық шығармашылық орталығы» КМҚК ҚазССР-нің Еңбек сіңірген мәдениет қызметкері, Қазақстан композиторлар Одағының мүшесі, Аманкелді ауданының Құрметті азаматы, әнші-композитор Қалибек Деріпсалдиннің әндерін орындаушылардың Республикалық «Көктем-қыздар» атты тұңғыш ән байқауын өткізеді.
Байқаудың мақсаты – қазақ ән өнерін жетілдіру, Қостанай облысы композиторларының шығармашылық мұрасын жастар арасында насихаттау, талантты орындаушылардың жаңа есімдерін ашу болып табылады.
2018 жылғы 12 сәуір күні сағат 9.00-де өтетін байқаудың І кезеңінде қатысушылар қазақ ұлт аспаптар оркестрінің сүйемелдеуімен 2 ән орындайды, орындалатын 1 ән міндетті түрде Қалибек Деріпсалдиннің, екінші ән өз қалауы бойынша көрнекті композиторлар Бақытжан Байқадамов, Бақытжан Сәуекенов, Әбілахат Еспаевтың әндері орындалады.
ІІ кезеңде эстрада жанрындағы Қалибек Деріпсалдиннің 1 әні орындайды.
Байқауға еліміздің өңірлерінен (Батыс Қазақстан, Қостанай, Жамбыл, Алматы, Ақтөбе, Ақмола облыстарынан) 20 үміткер қатысады.
2018 жылғы 13 сәуір күні сағ.15.00-де Е. Өмірзақов атындағы облыстық филармонияның (Қостанай қаласы, Тәуелсіздік көшесі, 85)концерт залында байқау жеңімпаздарының Гала концерті өтеді.

Қосыша ақпарат:
Телефон: 8-7142-392-393
Пошта: odk_yunost@mail.ru
Веб-сайт: ocsnt.kz