БАСПАСӨЗ ХАБАРЛАМАСЫ
«Алтын микрофон-2021» XVIII Халықаралық
әншілер байқауы
Өтетін уақыты:
2021 жылдың 10 желтоқсан, сағат 19:00-де.
Өтетін орны:
Қостанай қаласы, Жастар Сарайы,
Юбилейный шағын ауданы, 56
2021 жылдың 10 желтоқсан күні сағат 19:00-де Қостанай қаласындағы Жастар сарайының концерт залында Қазақстан Республикасы Тәуелсіздігінің 30 жылдығы аясында «Алтын микрофон-2021» XVIII Халықаралық әншілер байқауы өтеді.
Байқау вокалдық өнердегі жас талантты орындаушыларды анықтау және қолдау, сондай-ақ Қазақстан халқының рухани бірлігі идеясын, ұлтаралық және мәдениетаралық шығармашылық диалогты дамыту және тарату, «Рухани жаңғыру» мемлекеттік бағдарламасын жүзеге асыру мақсатында өткізіледі.
Іс-шараны ұйымдастырушы: «Қостанай облысы әкімдігінің мәдениет басқармасы» ММ; Қостанай облысы әкімдігі Мәдениет басқармасының «Облыстық көркемөнерпаздардың халық шығармашылығы мен кинобейнеқор орталығы» КМҚК.
Конкурстың лауреаттары мен дипломанттары ұйымдастыру комитетінің бағалы сыйлықтарымен марапатталады. Үздік орындаушыға (конкурстың Гран-при иегері) «Қостанай облысы әкімінің сыйлығы» тапсырылады, сондай-ақ байқаудың Үздік орындаушыларын Ұйымдастыру комитеті мен қазылар алқасы «Бозторғай» Халықаралық балалар шығармашылығы конкурсына (Алматы қ.) қатысуға ұсынады. «Алтын микрофон» байқауының (Гран-При, лауреаттар) жеңімпаздарына Қазақстанда, Ресейде, Беларусияда, Болгарияда, немесе Еуропа мен Азия елдерінде (жыл бойы) өткізілетін халықаралық конкурстардың біріне қатысу құқығы беріледі.
Қазіргі уақытта кәсіби сахнада өнер көрсетін жүрген Ернар Садырбаев, Балуан Беркенов, Анна Уварова сияқты. көптеген облыстағы талантты жастар үшін «Алтын микрофон» халықаралық әншілер байқауы бастау алаңы болды.
Облыстың электрондық және баспа БАҚ журналистерін осы іс-шараға қатысуға және ақпараттық қолдау көрсетуге шақырамыз.
