Қостанай қаласында «Алтын микрофон-2021» ХVІІІ Халықаралық әншілер байқауы өтеді
#Qazaqstan30
НЕГІЗГІ ЕРЕЖЕЛЕР
байқауға 7 жастан 21 жасқа дейінгі (қоса алғанда) қатысушылар қатыса алады, байқауға қатысатын қатысушылардың шығармашылық атақтарының және жетістіктері болуы, ұлттық байқаулардың немесе фестивальдердің лауреаттары немесе рейтингтік шығармашылық ұйымның (продюсерлік орталықтың, өңірлік мәдениет мекемесінің, телеарнаның немесе радиостанцияның музыкалық редакциясының, балалар байқауларының немесе фестивальдерінің) ұсынымдары болуы қажет;
байқауға қатысушылардың өтінімдері мен бейнематериалдары осы Ережеге қосымшаны сәйкес 2021 жылғы 30 қазанға дейін мына электрондық мекен-жайы бойынша қабылданады:
Altyn-mikrofon@ocsnt.kz,
тел: 8(7142)56-04-10;
байқау төрт жас санаты бойынша жүргізіледі (қоса алғанда):
7-10 жас;
11-13 жас;
14-17 жас;
18-21 жас;
қашықтықтан іріктеу кезеңі ұйымдастыру комитетінің altyn-mikrofon@ocsnt.kz электрондық поштасына жіберілген аудио-жазбалар (MP3) және бейне-материалдарды (MP4) тыңдауы арқылы өтеді (барлық жазбалар компьютерлік өңдеусіз жанды дауыста орындалуы тиіс, көлденең қалыпта бір дубльмен). Осы мәліметтер негізінде қатысушылардың соңғы шорт-парағы құрылады;
байқау тыңдалымында қатысушының жасына сәйкес келетін орындау тілі мен техникасы (стилі, үлгісі) бойынша шектеусіз, эстрада жанры бойынша кез келген стильде екі вокалдық шығарма орындайды.
