Бүгін Облыстық көркемөнерпаздардың халық шығармашылығы мен кинобейнеқор орталығының ұйымдастыруымен ХХХҮІ «Өнеріміз саған, Қазақстан!» атты облыстық көркемөнерпаздардың халық шығармашылығы байқау-фестивалі қарсаңында «Алтын мәдениет» үйінде қос бірдей шеберлік сағаты өтті

Алғашқысы «Орындаушылық ерекшеліктері» атты вокалдан болса, екішісі «Ойнау қағидалары» атты шертер аспабынан болды.

Шертер – қазақ халқының көне шекті музыкалық аспабы. Кей деректерге сүйенсек, бұл аспап домбыра мен қобыздың арғы тегі болып саналады. Сырт келбеті қобызға жақын, көлемі жағынан домбырадан кіші. Мұндай аспапта ойнауда Мұқатов Азамат Қабжәлелұлы Қостанай облыстық "Композиторлар одағы" ҚБ төрағасы, әнші, композитор, Е.Өмірзақов атындағы облыстық филармониясының Назымбек Молдахметов атындағы қазақ ұлт-аспаптары оркестрінің әртісі өткізіп, білгенімен бөлісті. Бұл алғаш өткізіліп отырған шара. Сондықтан берері мол болды.

Ал вокалдан Тұтқышева Айсұлу Бағытжанқызы өткізді. Ол республикалық және халықаралық байқаулар мен фестивальдердің лауреаты, қалалық джаз және камералық оркестрлердің солисті, SuperStar.KZ және X-Factor тележобаларының қатысушысы, «АРТИСТ» шығармашылық мектебінің жетекшісі.

Қос шараға қатысқандар облыс көлемінен келіп, көпті үйреніп, білгендерін толықтырып, сертификат алды.

Өз тарапымыздан «Алтын дән» мәдениет үйінің ұжымына және басшылығына алғыс айтамыз.

Мобилография: @95tanat95