Облыстық халық шығармашылығы орталығының әдіскері әрі белгілі домбырашы Мұрат Хамитов Домбыра күніне дайындық аясында ауданның домбырашыларымен тығыз жұмыс жүргізуде
Ол домбырашыларға жекелей көңіл бөліп, олардың өнерін дамытуға бағытталған кешенді дайындықты бастады.
Мұрат Хамитов облыстық күйшілер байқауына дайындық барысында әр домбырашының шеберлігін шыңдап, күйлерді пысықтап, көркем орындау тәсілдерін үйретуде.
Бұл кезеңде домбырашы балалардың жас ерекшеліктері мен музыкалық қабілеттерін ескеріп, оларды жеке-жеке тыңдап, ойнау әдістері бойынша кеңестер беруде. Әрбір күйдің орындау техникасы бойынша арнайы жаттығулар жүргізілді. Домбыра күнінде орындалатын күйлер балалардың жас ерекшеліктеріне қарай сараланып, олардың қабілеті де ескерілуде. Мұндай тәсіл әр домбырашынының өнерін ұштауға мүмкіндік береді.
