Сарыкөлдік өнерпаздар келе жатқан Домбыра күніне дайындықты жан-жақты жүргізуде. Дайындықтары ойдағыдай. Олар арнайы киім тіктіріп, қосымша домбыра аспаптарын алдыруды жопарлап отыр. 

Дайындық барысын, таңдап алынған күйлерін, бағыт-бағдарын орталық мамандары тағы бір мәрте тыңдап, ақылдарын қосты. Былтырғы жылы облыстық күйшілер байқауында осы ауданның мәдениет ұйымдастырушысы Қайсар Ниязұлы жеңімпаз болған еді. Енді жастарды дайындап жатыр. Домбыра күніне ауылдардан мектеп оқушылары, колледж студенттері жан-жақтан тартылған. Талпыныстары таудай. Қолына домбыра ұстаған жастардың беталысы жақсы. 

Сарыкөлдіктердің істеріне сәттілік тілейміз. Осы істің басы-қасында жүрген аудандық мәдениет бөлімінің басшысы Нұрсұлтан Шүленовтың еңбегін атап өтуге болады.