Аудандық Мәдениет үйінде ауылдық округтердің жас домбырашылары жиналды. Олардың дайындығы көңіл көншітерлік. Дайындық барысын, таңдап алынған күйлерін орталық мамандары тағы бір мәрте тыңдап, ақылдарын қосып, бағыт-бағдар берді. Алдағы уақытта да домбырашы оқушылармен дайындық жұмыстары жалғаса береді. Жетекшілері әлі де дайындықты күшейтіп, қолға алған істерін жұмырлай түспек.  

 
Жетекші мамандар әр ауылды бөліп алып, тыңғылықты жұмыс істеуде. Қолына домбыра ұстаған жастардың беталысы жақсы. Осы күнге үлес қосамын деп талпынған көңілдеріне риза боласың. Меңдіқаралықтардың істеріне сәттілік тілейміз. Ұлттық домбыра күні ойдағыдай өтіп, мәртебеміз арта берсін.