Түркі мәдениет және өнерін дамыту халықаралық ұйымының 30 жылдығына байланысты Түркістан қаласында Түркі әлемінің VI халықаралық этносәні фестивалі өтуде
Фестиваль аясында қолөнер шеберлері, суретшілер, музыка бағыты бойынша бірнеше іс-шаралар және де жетіген аспабынан шеберлік сағаты өтуде.
Жетіген аспабынан шеберлік сағатына еліміздің әр түпкірінен 25 жетігенші, соның ішінде біздің өңірден Мөлдір Құлымбетова қатысуда.
Шеберлік сағатын Қазақстандағы жетіген профессионалды мектебінің негізін қалаушы, өнер зерттеушісі, мәдениет саласының үздігі, Құрманғазы атындағы Қазақ ұлттық консерваториясының аға ұстазы Жақыпбек Нұргүл Бижанқызы өткізуде.
9 елден келген дизайнерлердің Этносәні көрсетілімінде Мөлдір Құлымбетова және тағы бірнеше жетігеншінің қатысуымен музыкалық нөмір орындалады.
Бұдан бөлек Гала-концертте де жерлесіміз өнер көрсетпек.
#ГидПоКазахстану
