Облыстық көркемөнерпаздардың халық шығармашылығы мен кинобейнеқор орталығының ұйымдастыруымен Құрманғазы Сағырбайұлының 200 жылдығы шеңберінде "Күй құдіреті" атты домбырашылардың дөңгелек үстелі өтті
Дөңгелек үстелге орталық басшысы Дәмер Қалқаев, Н.Молдахметов атындағы қазақ ұлт аспаптар оркестрінің көркемдік жетекшісі Батырбек Байназаров, «Тобыл сазы» қазақ ұлт аспаптар оркестрінің жетекшісі Ерхан Түсіпбеков, «Ақжелең» ансамблінің жетекшісі Ыбырай Есжановжәне аудандардан ансамбль жетекшілері, балалар музыка мектебінің домбыра сыныбының ұстаздары мен өнер кафедрасының аға оқытушылары, студенттер қатысты.
Бас қосуда облыс орталығында 2000-3000 домбырашы жинап Құрманғазы Сағырбайұлы мен басқа да композиторлардың күйлерінен үлкен челлендж өткізу, ұстаздардың деңгейін шыңдап, шеберліктерін ұштау мақсатында домбырадан беретін ұстаздарға, оқушыларға шеберлік сағаттарын, түрлі байқаулар ұйымдастыру, облыстық, республикалық байқаулардың ережелерін мектеп және музыка мектептеріне, үйірмелер жетекшілеріне тарату, талантты домбырашы оқушыларды үлкен сахнаға шығару қажет деген сияқты орынды ұсыныстар айтылып, пікірлер білдірілді.
Орталық басшысы Дәмер Қалқаев ұсыныстарға қолдау болатынын айтты.
