Jangeldın aýdanynyń N.Ahmetbekov atyndaǵy mádenıet úıi janyndaǵy «Ǵasyrlar pernesi» halyq ansambliniń shyǵarmashylyq minezdemesi.

Tarıhshy etnograf ónertanýshy ǵalym Ózbekáli Jánibekov 1972 jyly Torǵaı oblysynan Qazaqstan Respýblıkasy boıynsha birinshi ret «Sherter» jáne 1974 jyly Jangeldın aýdanynan «Ǵasyrlar pernesi» fólklorlyq - etnografıalyq ansamblin qurýǵa basshylyq jasady.
Kóne aspaptardy zertteýshi etnograf, ǵalym, profesor Bolat Sarybaev osy ansámblderdiń qurylýyna kóp eńbek sińirdi. Biz bile bermeıtin qazaqtyń kóne mýzykalyq aspaptary sherter, jetigen, shańqobyz, sybyzǵy, sazsyrnaı, úskirik, tastaýyq, jel qobyz, bas sherter, dabyl, daýylpaz, dańǵyra, tas tuıaq, shyldyrmaq, qońyraý, asataıaq, toqyldaq, shyń, orteke t.b. aspaptardy tanystyryp tartyp úıretti.
Torǵaı jerinde ózindik baǵyt - baǵdary bar «Ǵasyrlar pernesi» atty fólklorlyq halyq ansablin qurýda irgetasyn qalaýshylarynyń biri Bolat Hamzın boldy. Onyń negizigi maqsaty tarıhy baı ólkeniń halyq ánderi men kúılerin kóne áýenderdi óner sańlaqtary qobyzshy, baqsy Zakarıa Káribaev pen halyq aqyny Nurhan Ahmetbekovtiń kúılerin, sondaı- aq jergilikti sazgerlerdiń mýzykalyq shyǵarmalaryn qalyń kópshilikke tanystyrdy.
Birinshi konserttiń baǵdarlamasyna qazaqtyń án ónerin jınaqtap bastyrýǵa orasan zor eńbek sińirgen áıgili ǵalym - kompozıtor A.Zataevıchtiń «Qazaq halqynyń 1000 áni» dep atalatyn kitabyna buryńǵy Torǵaı gýbernıasynan jınaǵan ánderimen qazaq kompozıtorlarynyń shyǵarmalary engizildi. Kórermender «Aıda, bylpymdy», «Bozingen», «Keńesti», «Kókek» pen «Ápıtókti» jergilikti aqyn kompozıtor Nurhan Ahmetbekovtyń jyrlarymen «Jeńis», «Iýn jarlyǵy» atty kúılerin tyńdap bir serpilip qalatyn. Ansámbldiń repertýary men oryndaýshylyq sheberligi jyldan jylǵa joǵarylady. Baǵdarlamada Ý. Bramstyń «Vengr»bıi, P.Chaıkovskııdyń «Neapolıtan áni», V.Mosarttyń «Volynkasy», Zataevıchtiń « Qazaq marshy», orys halqynyń «Korobeınıkı» ániniń óndelgen túri jáne basqa shyǵarmalar berik oryn alǵan.
1980 jyly «Ǵasyrlar pernesi» «Halyq ansambili » ataǵyna ıe boldy .
1981 jyly Almatyda halyq sharýashylyǵy jetistikteriniń kórmesinde shyǵarmashylyq esep berý konsertin qoıdy.
1984 jyly Aqtoǵaı- Saıaq temirjoly marshrýty boıynsha Taldyqorǵan oblysynyń Mataı aýdanynda óner kórsetti.
1985 jyly Mozambık Halyq Respýblıkasynda óner kórsetti.
1986jyly «Ǵasyrlar pernesi » ansambliniń konserttik baǵdarlamasy qazaq telearnasynyń «Altyn qorynda» saqtaýly.
1987 jyly Almatyda ótken Torǵaı oblysy kúnderine qatysty.
1988 jyly Almatyda «Biz bárimiz - baýyrmyz» halyq óneri İİİ- búkilodaqtyq festıvaliniń bastanǵy konsertine qatysty.
1988 jyly Ýkraınada ótken Qazaq ádebıeti men óneriniń onkúndiginde óner kórsetti.
1989 jyly Almaty «Jiger» jastar festıvaline qatysyp dıplomant atandy.
1990 jyly Sırıa, Iordanıa Hashımıt Koróldiginde boldy.
2009 jyly HHİİİ - oblystyq «Dostyq áni terbelgen darhan dala!» atty halyq shyǵarmashylyǵy festıvalinde Bas júldeni ıelenýge ansámbldinde qosqan úlesi mol.
Ansámbl shyn máninde halyq murasyn alǵa aparýshy kollektıvterdin biri.
Ansámbl jetekshileri:
1974 jyly Tarǵynbek Boranbaev.
1975-1992 jyly Baqytjan Sáýekenov.
1992-1995 jyly Lázzat Hamzına.
1995-1997 jyly Altynbaı Seıtqasymov, Kádirjan Hasenhanov.
2000-2004 jyly Aıbar Hamzın.
2004-2008 jyly Qales Ilanov
2008-2010 jyly Kádirjan Hasenhanov
2010- 2014 jyly Almas Seılhan
2014-15 jyly Jańa-Jyl Kemeltaeva