«Танцевальная графика» халық эстрадалық би ансамблі

«Танцевальная графика» эстрадалық би ансамблін 1997 жылы Степовик Нелли Павловна құрды, ал 2001 жылы ұжымды Тарнаруцкая Яна Витальевна басқарды.

«Танцевальная графика» Жітіқара ауданының визит карточкасына айналды, бірде-бір іс-шара ұжымның қатысуынсыз аяқталмайды. Ұжымның репертуарында эстрадалық және халықтық жоспардың 60 тан астам қойылымы бар: «Ата толғау», «Қыз қуу»,«Казахский вальс» («Сұлу қыздар»), «Бозынген» («Сұлтан»), «Ұлы жібек жолы», «Әке толғау», «Антре» (орыс стильдендірілген), «Венок», «Соло», «Американский», «Восточная экспрессия», «Достық», «Египетская пирамида» (стильдендірілген), «Индийский», «Казачок», «Калинка», «Кан-кан», «Катюша», «Три жуза», «Модерн», «Біз біргеміз», «Нимфы», «Печаль», «Полуночное танго», «Танго», «Рыжий АП», «Смятение чувств», «Стрит данс», «Танец змей», түркі «Халай», «Цветы Востока», «Цыганочка», «Шпионские страсти», «Узбекский», «Таджикский», «Испания», жаңа билері: «Гопак», «Тарантелла», «Морячка», «Мы любим диско», «Жили у бабуси», «Волк и красные шапочки», «Современная сказка», «Отражение», «Ковбойский», «Кострома», «Татарский», «Латина», «Китайский», осетин биі «Осетинский девичий лирический», қазақ билері «Үш жүз», «Аманат» және т.б.

Бүгінгі таңда ұжымда үш жас санатында 100-ден астам адам қызмет атқарады: балалар, орта және ересектер топтары, сондай-ақ ересектер клубы.

Астана қаласындағы Мәдениет күніне орай «Танцевальная графика» би ұжымы Қостанай облысының атынан өнер көрсетті, ұжым жыл сайын Ресей Федерациясындағы Бреды кентіндегі қазақ халқының фестиваліне барады, облыстық және аудандық спартакиадаларға, облыстық көркемөнерпаздар халық шығармашылығы байқауларына, мемлекеттік мерекелерге белсенді қатысады.

2010 жылы ұжым басшысы Яна Тарнаруцкая «Қостанай минералдары» АҚ «Алтын қанат» сыйлығын, Жітіқара ауданының мәдениетін дамытуға қосқан үлесі үшін Қостанай облысы мәдениет басқармасы бастығының және Жітіқара ауданы әкімінің грамоталарын алды. 22 шілдеде Қарасу ауданында өткен облыстық вокалдық-хореографиялық шығармашылық фестивалінде «Танцевальная графика» би ұжымы 1 орын алды.

2016 жылы ұжымның жетекшісі Я. В. Тарнаруцкая «Қазына» облыстық Меценаттар клубының сыйлығын алды. 2017 жылы Қостанай қаласында өткен «Mega dance festival» жастар хореографиялық өнерінің IV фестивалінде «Танцевальная графика» эстрадалық би халық ансамблі І дәрежелі дипломымен марапатталды. Сол жылы қазан айында Қостанай қаласында өткен ұжым «Украин әні – украин халқының жаны» атты XXI облыстық украин халық шығармашылығы фестиваліне қатысып, жеңімпаз дипломын алып келді. 2020 жылы Яна Тарнаруцкая «Жітіқара ауданының үздік мәдениет қызметкері» грамотасымен марапатталды. 2021 жылы «Жітіқара ауданының мәдениет мақтанышы» атағы берілді. Осы жылы Мәдениет және өнер саласындағы көп жылғы адал еңбегі және саланың дамуына, еліміздің тарихи құндылығының өскелең ұрпақ үшін сақталуына қосқан елеулі үлесі үшін Қазақстан Республикасы Мәдениет және спорт министрінің Құрмет грамотасымен марапатталды. 2021 жылы Қазақстан Республикасы Президентінің 2021 жылғы 2 желтоқсандағы Жарлығымен Тарнаруцкая Яна Витальевна «Қазақстан Тәуелсіздігіне 30 жыл» мерейтойлық медалімен марапатталды. 2022 жылы «Танцевальная графика» эстрадалық би халық ансамблі Қостанай қаласы «Тобыл толқындары-2022» ашық өңірлік байқауының ІІІ орын дипломының иегері атанды.