«Науырзым әуендері» атты қазақ халық ұлт аспаптар ансамблі 1996 жылы аудандық мәдениет үйінің жанынан құрылды. Алғашқы жетекшісі Роман Сүгірбайұлы Жапаров. Ансамбльге «халық» атағы 1999 жылы берілген. Ұжымның құрамында 13 өнерпаз бар.

«Науырзым әуендері» атты қазақ халық ұлт аспаптар ансамблі

«Науырзым әуендері» атты қазақ халық ұлт аспаптар ансамблі 1996 жылы аудандық мәдениет үйінің жанынан құрылды. Алғашқы жетекшісі Роман Сүгірбайұлы Жапаров.

Ансамбльге «халық» атағы 1999 жылы берілген. Ұжымның құрамында 13 өнерпаз бар.
«Науырзым әуендері» қазақ халық ұлт аспаптар ансамблінің негізгі мақсаты: ұлттық өнерді насихаттау, ежелден келе жатқан ұлттық аспаптарға күй, ән өнеріне сүйіспеншілік тудыру.

Ансамбльдің репертуарында Құрманғазының, Динаның, Қазанғаптың, Дәулеткерейдің, Нұрғиса Тлендиевтің, М.Әубәкіровтың күйлері және Сыдық Мұхамеджанов, Алтынбек Қоразбаевтың әндері, халық әндері кеңінен орындалып жүр.

Аудан көлемінде өткізіліп жүрген барлық мерекелік мәдени шараларға «Науырзым әуендері» ансамблі белсене қатысып, қазақ күйлері мен әндерін нақышына келтіріп орындап халық арасында кеңінен насихаттап жүр.

Ансамбльдің жетекшісі жоғары музыкалық білімі бар өнерпаз Кенжебаев Мейрамбек Фазылжанұлы ансамбльдің репертуарына, оның шеберлік орындауына зор көңіл аударады.

Өз өнерімен тек қана аудан көлемінде шектелмей облыстық мәдени шараларға, облыстық фестивальдарға белсене қатысып, танымал болып жүрген үлкен шығармашылық ұжым.