Қостанай ауданында «Алтын дән» МҮ қазақ ұлт-аспаптар ансамблі алғаш 1995 жылы құрылды. Ансамбльдің алғашқы жетекшісі Ерхан Түсіпбеков болатын. Ал, кейін 2011 және 2015жыл аралығында ансамбльдің жетекшісі болып Қазақ ССР еңбегі сіңірген мәдениет қайраткері Қалибек Деріпсалдин келді.  Ұжым құрамында қатысушылар өзгерді, жетекшінің ауысуы болды, бірақ ансамбль жұмысын жалғастырды. Қазір қазақ халық аспаптар ансамблі ұйымшыл, мықты ауқымды ұжым.
2016 жылы ансамбль «Халықтық» құрметті атағына ие болды, ал осы жылдың желтоқсан айында ұжым базасында қазақ халық аспаптар оркестрі құрылды, оның құрамында 30-ға жуық адам бар. Ұжымға аудан әкімдігінің қолдауымен сахналық киімдер тігіліп, толықтай қазақ ұлт аспаптарымен камтылды. Қазақ халық аспаптар ансамблі Облыстық мәдениет басқармасының, Қостанай ауданы әкімдігінің, Қостанай ауданы әкімдігінің «Мәдениет және тілдерді дамыту бөлімі» ММ грамоталарымен, аудандық мәслихаттың Алғыс хаттарымен марапатталды. Осы жылы «Тобыл сазы» оркестрі өзінің көп жылғы жинаған шығармалырымен аудан тұрғындарына тарту етіп жеке есеп беру концерін өткізді.  Ұжымның репертуарында қазақ халық күйлері мен әндері, қазақстандық композиторлардың шығармалары: Құрманғазы, Тәттімбет, Қазанғап, Дина т.б. Сонымен қатар орыс және украин шығармалары да бар.    
Ансамбль қазақ халық аспаптары оркестрі мемлекеттік және жалпы мемлекеттік мерекелердің, сондай-ақ көптеген облыстық іс-шараларға арналған барлық аудандық іс-шаралардың тұрақты әрі белсенді қатысушысы болып табылады.
2020 жылы ақпан айының 20 жұлдызында Қостанай ауданы, Тобыл қаласында «Алтын дән» МҮ Қазақстанның халық әртісі Мақпал Жүнісованың концерті өтті. Осы концертте әншінің халық және қазақ композиторларының  әндерін «Тобыл сазы» оркестрі сүйемелдеп, аудан тұрғындарына көтеріңкі көңіл – күй сыйлады десе болады. Ұжымға халық әртісі зор шығармашылық жетістіктер тілеп, үлкен алғысын білдірді.
2021 жылы ұжым облыстық «Ғасырлар пернесі» атты  фестиваліне, сондай-ақ ауданның мемлекеттік мерекелерге арналған барлық іс-шараларына қатысты. Ал 3 шілде күні жалпы ұлттық домбыра күні аясында «Алтын дән» АМҮ алаңында «Тобыл сазы» ансамблінің жеке концерті өтті.
Қазіргі таңда оркестрдің жетекшісі және дирижеры Ерхан Түсіпбеков. Ерхан– жоғары білімді педагог, талантты музыкант.