Ұжым 2005 жылы «Алтын дән» аудандық мәдениет үйінде  құрылды. Осы жылы ансамбльдің жетекшісі Зылиха Төлебаева болды. Ансамбль ұжымдарымен жетекшілері де ауысып отырғанымен, ұжым өз жұмысын жалғастырып келеді. 2014 жылдан 2019 жылға дейін жетекшілікті Айнұр Сейтова басқарса, кейін жас талант иесі Таңшолпан Мадиева жалғастыруда. Ансамбльдің репертуарында қазақ халқының әндерімен қатар өзге ұлт өкілдерінің әндері орындалады, сол сияқты қазақ  және басқа да ұлт композиторларының әндеріде бар. Ұжым облыстық мәдениет басқармасының, Қостанай ауданы әкімдігінің, Қостанай ауданы әкімдігінің «Мәдениет және тілдерді дамыту бөлімі» ММ грамоталарымен, аудандық мәслихаттың Алғыс хаттарымен марапатталған.

• «Summer Music and Dance Fest» халықаралық онлайн байқауының 1 дәрежелі лауреаты (Нұр-Сұлтан қ. 2020ж.)
• «Зимние Забавы» Ты – звезда! Халықаралық фестиваль – байқауының  2 дәрежелі лауреаты (Қарағанды қ. 2020 ж.)
• Диплом 3 аймақтық «Легендо ретры» фестиваліне қатысқаны үшін (Алтынсарин ауданы, 2020 ж.)
• «Рухани Жаңғыру» бағдарламасы аясында өткен «Песня – душа народа»  байқауының 3 орын иегері (Қостанай қ. 2021 ж.)
• «Шаг вперед» Халықаралық байқауының Гран – При иегері (Астана қ. 2022 ж.)
• Диплом «Тобыл сазы» Қостанай композиторларының әндерін орындаушылардың облыстық вокалдық байқауына қатысқан үшін (Рудный қ. 2022 ж.)

Және де «Жайдарман» қазақ әндерінің халық ансамблі жергілікті телеарналарда өз жетістіктермен бөлісіп сұхбат беріп тұрады.
Ансамбль облыстық және аудандық меркелік іс-шаралардың белсенді қатысушылары болып табылады. Сонымен қатар, 2008 жылы Челябі облысының Сатко қаласында өткен «Қонақжайлық фестиваліне» қатысып келді. Көрші еліміздегі қала тұрғындары біздің қазақ өнерін бағалап, сүйсіне тыңдап шын жүректен лебіздерін білдірсе, осы қала басшысы Алексей Морозов қазақстан халқына үлкен алғысын білдірді.
Ұжым 2010 жылы «Халықтық» құрметті атағын иеленді.
Біздің еліміздегі бүгінгі әлеуметтік жағдайда  рухани құндылықтарды жандандыруға бағытталған кезде халық шығармашылығын насихаттау әсіресе өзекті. Ғасырлар бойы жүздеген ұрпақта сақталған халық шығармашылығы қазақ халқының жоғары рухани құндылықтарының бірі болғандықтан, бұл ұжым өзінің қазақ халқының әндерін дәріптеп зор үлесін қосуда.
«Жайдарман» ансамблі «Алтын дән» МҮ 2015 жылы қараша айында өзінің жеке есеп беру концертін өткізді. Бұл іс-шарада аудандық мәдениет үйінің белсенді өнерпаз ұжымдары қолдау ретінде атсалысты. Аудан тұрғындары ризашылықтары мен алғыстарын білдірді.
Қазіргі таңда халық ансамблі репертуарларын жаңартып, облыстық және аудандық меркелік іс-шаралар және алдағы уақытта болатын көптеген байқауларға атсалысуға қызу дайындық үстінде.
«Жайдарман» қазақ әндерінің халық ансамблі болашақта биік белестерді бағындырып, қазақтың халық әндерін дәріптей бермек. 


 
Ұжым жетекшісі                                  Мадиева Т.С.