"Ұлттық ойындар – ұлт мұрасы"

Қарасу ауданы «Достық» АМҮ мен «Қарасу ауданы әкімдігінің спорт және денешынықтыру» бөлімінің ұйымдастыруымен Қазақстан Республикасының тәуелсіздігінің 30 жылдық мрейтойымен ұлыстың ұлы күні 22 наурыз мерекесі қарсаңында ұлттық ойындарды насихаттау мақсатында «Ұлттық ойындар – ұлт мұрасы», - ұлттық спорттың төресі саналатын «Көкпар» жарысы, «Қыз қуу», «Аударыспақ», «Теңге алу» сияқты ұлтық ойындар жарысы ұймдастырылды! Алдымен, ойын аудандық Мәдениет үйінің өнерпаздарының әуелете салған әндерімен, бастау алды. Көпшілікке көтеріңкі көңіл-күй сыйлаған рухты ән шашаудан соң, жиналғандардың назары ұлттық ойындарымызды тамашалауға ауды. Көкпар десе ішкен асын жерге қоятын қазақ жігіттері ат жалын тарта мініп, салым салуға асықты. Өзара сайыста білекті жігіттер жерде жатқан серкені тақымға қысып, өз командасына ұпай жинау үшін күштерін жұмсады. Ұлттық ойын барысында ат дүбірі толастамай, қызу қанды жігіттер бір-бірін айқын басымдылықтарын көрсетсе, ат құлағындай ойнайтын қыздарымыз қыз қуу жарысында жігіттерімізге шаң қаптырып жатты, десек артық айтқанымыз емес. Осынау ұлан-ғайыр кең даланы ата-бабаларымыз білектің күшімен найзаның ұшымен сақтап қалғаны баршамызға ақиқат. Сайын даланы жаудан аман сақтау үшін жауынгер де астындағы тұлпар да бабында болып, жігерлі болуы үшін осы ұлттық ойындарымызды өткізіп тұрған. Сондықтан да мұнда тек қана ойын емес үлкен мән-мағына, ұрпаққа деген тәлім-тәрбие жатыр. Ұлттық ойындарымыз ол біздің рухани құндылығымыз, осы орайда ұлттық спортымыздың жанашырларына айтар алғысымыз шексіз. Ұлттық құндылық ол ұлттың мызғымас байлығы, ендеше осынау асыл мұрамызды сіз бен біз болып жаңғыртуға атсалысайық!

Посмотреть эту публикацию в Instagram

Публикация от РДК ДОСТЫК - КАРАСУ (@culture_qarasu)