«Өнермен өрнектелген өмір»
Осы атаумен Қарабалық аудандық мәдениет үйінің шығармашылық қызметкерлері 16 қарашада аты аңызға айналған композитор, күйші, дирижер, музыкалық өнердің жауһарына айналған музыкалық туындыларды жасаушы Нұрғиса Атабайұлы Тілендиевтің 95 жылдығына арналған музыкалық бағдарлама дайындап, әлеуметтік желілерде жариялады. Бағдарламада Нұрғиса Тілендиев шығармашылығының маңызды сәттері туралы бейне-коллаж көрсетіліп, жүргізушілер Рысжан Жүзбай мен Инна Бешловская оның шығармашылық жолы туралы әңгімеледі. Концерттік бағдарламада Нұрғиса Тілендиевтің әндері шырқалып, музыкалық композициялар орындалды.
Бағдарламаны 873 әлеуметтік желі қолданушысы қарады
