2019 жылы 6 қыркүйекте «Жастар» АМҮ-нде «Отан отбасынан басталады» атындағы фестиваль өтті, іс-шара «Рухани жаңғыру» бағдарламасы аясында ұйымдастырылды. Өткізілген іс-шараның мақсаты отбасылық өмір салтының қоғамдық беделін, отбасы құндылықтары мен жауапты ата-аналарды насихаттау және арттыру, өз өңірінің өміріне белсенді қатысатын отбасы мүшелерінің әуестіктері мен таланттарын дамытатын әлеуметтік-жауапты отбасыларының, отбасы әулеттерінің оң тәжірибесін таратуға жәрдемдесу болып табылады.
       Фестивальға 6 отбасы қатысты: Мырзахметов отбасы, Сарсенбетов отбасы, Исмагулов отбасы, Искаков отбасы, Куанышкалиев отбасы және Оразалин отбасы. Отбасылар отбасының бірегейлігі, қызықты отбасылық фактілер, оқиғалар, танысу сәтінен бастап бүгінгі күнге дейінгі оқиғалар туралы баяндайтын бейнеролик-визиткалар ұсынды. Викториналар мен конкурстарға қатысты. Барлық отбасы мүшелерінің күшімен орындалған шығармашылық жұмыстар ұсынылды.
       «Отан отбасынан басталады» фестивалінің бас жүлдесін Федоров ауылының Қуанышқалиевтар отбасы «Жайлау» шипажайында демалуға сертификатпен, қатысушы отбасылар дипломдармен және естелік сыйлықтармен марапатталды.