Қазақстан Халқы Ассамблеясына– 25 жыл толуына орай, Денисов аудандық Мәдениет үйінде Қазақстан Республикасының «Алғыс айту»  күніне арналған «Алғысым шексіз» атты мерекелік бағдарлама өтті. Мерекеге ауданымыздың еңбек ардагерлері, қоғам белсенділері  және  мектеп ұстаздары мен оқушылары қатысты. Іс – шараның басында «Халық достығы»  атты  тақырыптық бейнефильм көрсетілді. Тарихи – өлкетану мұражайының қызметкерлері көпұлтты Қазақстан туралы көрме ұйымдастырып,  мұражай директоры Таран Н.И.  қазақ, неміс, славян, кавказ, татар халықтарының ұлттық асапатары туалы айтып өтті. №2 Денисов орта мектебінің аға тәлімгері  Валиханов А.Б. осы аспаптарды ұлттық әуендерін ойнап берді. Келген қонақтарға жылы лебіздерін білдіру үшін аудан әкімінің орынбасары Кәкімжан Н.Қ., еңбек ардагері Деменчук Л.В., ардагерлер кеңесінің мүшесі Нам В.А. сөз сөйлеп, «Алғыс айту» күніміен шын жүректен құттықтауларын айтып өтті. Аудандық Мәдениет үйінің әншілері әр тілде ән шашуларын жолдады.