15 ақпан күні Кеңес әскерлерінің Ауғанстан Демократиялық Республикасынан шықан күні.  Биыл ол 31-ші рет атап өтілуде. Ауған соғысы тарихқа айналды. Дегенмен, бұл күні біз қаза тапқан отандастарымызға  бас иеміз,  және сол жылдардағы оқиғаларды еске аламыз.
Айтулы күн қарсаңында Аудандық мәдениет үйі «Ешкімде  ұмытылған жоқ....» атты іс-шараға Ауған соғысының ардагерлері, оқушылар, қоғам өкілдері және қарттарымыз қатысты. Көрермендер Денисов ауданының интернационалист жауынгерлерін қошеметпен  қарсы алды. Барлық қатысушыларға, Денисов ауданы әкімінің орынбасары Н. Қ. Кәкімжан жылы лебізін білдірді, сонымен қатар Денисов ауданының қорғаныс бөлімінің бастығы  С. Е. Имашев сөз сөйледі.
Бұл күні арамыздан кеткен Ауған соғысы ардагерлерінің жұбайларына, адалдық белгісі ретінде гүлдер табыс етілді. Сол күні қаза тапқан жауынгерлеріміздің  құрметіне бір минут үнсіздік жарияланды.
Ауған оқиғасының тарихын еске ала отырып, құрметті қонақтар мен көрермендер «Ауғандықтар» атты тақырыпта видеоролик тамашалады.
Мерекелік іс-шараны аудандық мәдениет үйінің әншілері тақырыпқа сай әндерді орындап, концерттік бағдарламамен жалғасын тапты.
Денисов атудандық тарихи-өлкетану мұражайы «Олардың ерлігі ешқашан ұмытылмайды» атты көрме ұйымдастырды.